స్వీయ నిర్మాణ దర్శకత్వంలో రామ్గోపాల్వర్మ రూపొందిస్తున్న చిత్రం ‘డేంజరస్’. ‘మా ఇష్టం’ ఉపశీర్షిక. నైనా గంగూలీ, అప్సర రాణి కథానాయికలుగా నటించారు. శనివారం ట్రైలర్ను విడుదల చేశారు. ఈ సందర్భంగా రామ్గోపాల్వర్మ మాట్లాడుతూ ‘తెలుగు, తమిళం, హిందీ భాషల్లో డిసెంబర్ 9న ఈ చిత్రాన్ని విడుదల చేస్తున్నాం. ఇద్దరమ్మాయిల మధ్య ప్రేమకథతో ఈ సినిమా తీశాం. మగవాళ్లతో వారు ఎలాంటి చేదు అనుభవాల్ని ఎదుర్కొన్నారనే నేపథ్యంలో క్రైమ్, సస్పెన్స్, యాక్షన్ అంశాల కలబోతగా సాగుతుంది’ అని చెప్పారు. తన దర్శకత్వంలో రూపొందిన కొన్ని చిత్రాల రీరిలీజ్ కోసం ప్రయత్నాలు జరుగుతున్నాయని వర్మ తెలిపారు. ఈ చిత్రాన్ని విశాఖ టాకీస్ డిస్ట్రిబ్యూషన్ నుంచి విడుదల చేస్తున్నామని నట్టి కుమార్ పేర్కొన్నారు. ఈ చిత్రానికి సంగీతం: ఆనంద్.