Visit:
Keerthy Suresh New Movie | విభిన్న పాత్రలతో దూసుకుపోతున్న అగ్ర కథానాయిక కీర్తి సురేశ్ న‌టిస్తున్న తాజా చిత్రం ‘రివాల్వర్ రీటా’. ఈ సినిమాకు కె. చంద్రు దర్శకత్వం వ‌హిస్తుండ‌గా.. సీనియర్ నటి రాధికా శరత్ కుమార్ ఈ చిత్రంలో కీల‌క పాత్రలో న‌టిస్తుంది. ఇప్ప‌టికే షూటింగ్ పూర్తి చేసుకుని విడుద‌ల‌కు సిద్ధంగా ఉన్న ఈ చిత్రం నుంచి తాజాగా విడుదల తేదీని ప్ర‌క‌టించారు మేక‌ర్స్. ఈ సినిమాను న‌వంబ‌ర్ 28న ప్రేక్ష‌కుల ముందుకు తీసుకురాబోతున్నట్లు వెల్ల‌డించారు.
కీర్తి సురేశ్ ఈ సినిమాలో ‘రీటా’ అనే సామాన్య మధ్యతరగతి యువతి పాత్రలో కనిపించనుంది. అనూహ్య పరిస్థితుల కారణంగా ఆమె తుపాకీ (రివాల్వర్) పట్టుకోవాల్సి వస్తుంది. ఆ తర్వాత ఆమె ఎలాంటి సాహసాలు, సవాళ్లు ఎదుర్కొంది అనేది ప్రధాన కథాంశం. ఇది కామెడీ అంశాలతో కూడిన పక్కా యాక్షన్ థ్రిల్లర్ చిత్రంగా రాబోతుంది.
