Trisha | 14 ఏళ్ల తర్వాత బాలీవుడ్‌లో రీఎంట్రీ ఇవ్వనున్న చెన్నై సోయగం

నలభయ్యవ పడిలో కూడా వన్నెతరగని అందంతో అలరారుతున్నది చెన్నై సోయగం త్రిష. ‘పొన్నియన్‌ సెల్వన్‌' చిత్రంతో తిరిగి ఇండస్ట్రీలో పూర్వ వైభవాన్ని సంపాదించుకున్న ఈ భామ ప్రస్తుతం భారీ సినిమాల్లో నటిస్తూ బిజీగా ఉంది. కమల్‌హాసన్‌తో ‘థగ్‌లైఫ్‌', చిరంజీవితో ‘విశ్వంభర, మలయాళంలో మోహల్‌లాల్‌ సరసన ఓ సినిమాలో నటిస్తున్నది త్రిష.

Trisha | నలభయ్యవ పడిలో కూడా వన్నెతరగని అందంతో అలరారుతున్నది చెన్నై సోయగం త్రిష. ‘పొన్నియన్‌ సెల్వన్‌’ చిత్రంతో తిరిగి ఇండస్ట్రీలో పూర్వ వైభవాన్ని సంపాదించుకున్న ఈ భామ ప్రస్తుతం భారీ సినిమాల్లో నటిస్తూ బిజీగా ఉంది. కమల్‌హాసన్‌తో ‘థగ్‌లైఫ్‌’, చిరంజీవితో ‘విశ్వంభర, మలయాళంలో మోహల్‌లాల్‌ సరసన ఓ సినిమాలో నటిస్తున్నది త్రిష. తాజా సమాచారం ప్రకారం ఈ భామ బాలీవుడ్‌లో రీఎంట్రీ ఇవ్వనుందని సమాచారం. 14 ఏళ్ల క్రితం అక్షయ్‌కుమార్‌తో కలిసి ‘ఖట్టా మీఠా’ అనే చిత్రంలో నటించింది త్రిష.

ఆ తర్వాత పూర్తిగా దక్షిణాది చిత్రాలకే పరిమితమైపోయింది. ప్రస్తుతం సౌత్‌లో ఆమెకున్న క్రేజ్‌ దృష్ట్యా బాలీవుడ్‌ దర్శకనిర్మాతలు కూడా అవకాశాలు ఇవ్వడానికి సిద్ధంగా ఉన్నారు. తాజాగా ఈ సొగసరి బాలీవుడ్‌లో సల్మాన్‌ఖాన్‌ సరసన ‘ది బుల్‌’ అనే చిత్రంలో నటించబోతున్నది. తమిళ దర్శకుడు విష్ణువర్ధన్‌ రూపొందిస్తున్న ఈ సినిమా త్వరలో స్పెయిన్‌లో షూటింగ్‌ జరుపుకోనుంది. దాదాపు 14 ఏళ్ల సుదీర్ఘ విరామం తర్వాత త్రిష బాలీవుడ్‌లో రీఎంట్రీ ఇస్తుండటం ఆసక్తికరంగా మారింది.