Visit:
ఇంద్రసేన, ఐశ్వర్యరాజ్‌ జంటగా సీనియర్‌ నటుడు డా.రాజేంద్రప్రసాద్‌, సోనియా అగర్వాల్‌, పృథ్వీరాజ్‌ ముఖ్యపాత్రల్లో రూపొందుతున్న పాన్‌ఇండియా చిత్రం ‘శాసనసభ’, తెలుగు, హిందీ, తమిళ, మలయాళ, కన్నడ భాషల్లో తెరకెక్కుతున్న ఈ చిత్రానికి వేణు మడికంటి దర్శకుడు. తులసీరామ్‌ సాప్పని, షణ్ముగం సాప్పనిలు సాబ్రో ప్రొడక్షన్స్‌ పతాకంపై నిర్మిస్తున్నారు. కాగా ఈ చిత్రంలో అందాలతార హెబ్బాపటేల్‌ ఓ ప్రత్యేక పాటలో నర్తించింది. ఈ పాటకు సంబంధించిన పోస్టర్‌ను శనివారం విడుదల చేసింది చిత్ర బృందం. నిర్మాతలు మాట్లాడుతూ ‘పాన్‌ ఇండియా సినిమాగా రూపొందుతున్న పొలిటికల్‌ థ్రిల్లర్‌ ఇది. ఈ చిత్రంలో హెబ్బాపటేల్‌ ప్రత్యేకపాట ఆకర్షణగా నిలుస్తుంది. కేజీఎఫ్‌, కేజీఎఫ్‌ 2 చిత్రాలతో సంగీత దర్శకుడిగా తన ప్రతిభను నిరూపించుకున్న రవిబసుర్‌ సంగీత ఈ చిత్రానికి హైలైట్‌గా వుంటుంది. ఈ పాటకు ప్రేమ్క్ష్రిత్‌ నృత్యరీతులు అందించగా, పాపులర్‌ సింగర్‌ మంగ్లీ ఆలపించారు. ముఖ్యంగా ఈ పాట మాస్‌ను ఉర్రూతలూగిస్తుంది.త్వరలోనే చిత్ర విడుదల తేదీని ప్రకటిస్తాం’ అన్నారు.
