హింసాత్మక చీకటి ప్రపంచం

దర్శక, నటుడు రవిబాబు స్వీయ దర్శకత్వంలో హీరోగా నటిస్తున్న యాక్షన్‌ థ్రిల్లర్‌ ‘రేజర్‌'. ఇదొక ఉత్కంఠతో కూడిన హింసాత్మక చీకటి ప్రపంచమని మేకర్స్‌ చెబుతున్నారు.

దర్శక, నటుడు రవిబాబు స్వీయ దర్శకత్వంలో హీరోగా నటిస్తున్న యాక్షన్‌ థ్రిల్లర్‌ ‘రేజర్‌’. ఇదొక ఉత్కంఠతో కూడిన హింసాత్మక చీకటి ప్రపంచమని మేకర్స్‌ చెబుతున్నారు. ఈ సినిమా షూటింగ్‌ని పూర్తి చేసుకున్నది. ఈ సందర్భంగా పోస్టర్‌తోపాటు ఓ గ్లింప్స్‌ని కూడా మేకర్స్‌ మంగళవారం విడుదల చేశారు. ఈ గ్లింప్స్‌లో రవిబాబు వైలెంట్‌ అవతారంలో కనిపించారు.

కారు ఇంజిన్‌ వాల్వ్‌ కవర్‌తో విలన్‌ను హతమార్చే సన్నివేశం ఈ సినిమా కల్చెర్‌ని తెలియజేస్తున్నది. తెలుగు తెరపై ఇప్పటివరకూ చూడని విభిన్నమైన కథతో ఈ సినిమా రూపొందుతున్నదని మేకర్స్‌ తెలిపారు. ఈ చిత్రానికి కెమెరా: చరణ్‌ మాధవనేని, సంగీతం: ఎస్‌.ఎస్‌.రాజేష్‌, సమర్పణ: సురేష్‌ ప్రొడక్షన్స్‌ డి.సురేశ్‌బాబు, నిర్మాణం: ఫ్లయింగ్‌ ఫ్రాగ్స్‌.