రష్మిక మందన్నా(Rashmika Mandanna) ఇక బాలీవుడ్లో కూడా క్రేజ్ చూపించే పనిపై ఫోకస్ పెట్టింది. ఇటీవలే పుష్పలో శ్రీవల్లి పాత్రతో నార్తిండియా ప్రేక్షకులకు కూడా దగ్గరైంది. సిద్దార్థ్ మల్హోత్రాతో కలిసి నటించిన తొలి హిందీ సినిమా మిషన్ మజ్ను (Mission Majnu) త్వరలో విడుదల కానుంది. ఇదిలా ఉంటే రష్మిక ప్రస్తుతం బాలీవుడ్ హీరో వరుణ్ ధవన్ (Varun Dhawan)తో చేస్తున్న సినిమా షూటింగ్లో పాల్గొంటుంది. బీచ్లో ఓ పాటను షూట్ చేస్తున్నారు. సినిమాలోని సాంగ్ షూట్ను కొద్దిసేపు పక్కన పెట్టి..మోస్ట్ ట్రెండింగ్ పాటకు స్టెప్పులేసింది రష్మిక.
కోలీవుడ్ స్టార్ హీరో విజయ్ నటిస్తోన్న బీస్ట్ చిత్రంలోని హలమితి హబిబో సాంగ్ (Halamithi Habibo) ఎంత పాపులర్ అయిందో ప్రత్యేకించి చెప్పనవసరం లేదు. షార్ట్ డ్రెస్ విత్ జీన్స్ కోటులో ఉన్న రష్మిక, వరుణ్ ధవన్తో కలిసి ఇరగదీసే స్టెప్పులేసి అదరహో అనిపించింది. ఇసుకలో డ్యాన్స్..అంటూ వీడియోను షేర్ చేశాడు వరుణ్ ధావన్. ఈ వీడియో ఇపుడు నెట్టింట్లో హల్ చల్ చేస్తోంది.
ఇప్పటికే ఈ పాటకు స్టార్ హీరోయిన్లు సమంత, కీర్తిసురేశ్ డ్యాన్స్ చేసిన నెట్టింట్లో పోస్ట్ చేయగా వైరల్ అయ్యాయి. రష్మిక ప్రస్తుతం సుకుమార్ డైరెక్షన్లో పుష్ప ది రూల్లో నటిస్తోంది. దీంతోపాటు అమితాబ్ బచ్చన్తో కలిసి గుడ్బై సినిమాలో నటిస్తోంది.