Crunchyroll Anime Awards 2024 | నేషనల్ క్రష్ రష్మిక మందన్న తిరుగులేని విజయాలతో దూసుకుపోతున్నది. ‘పుష్ప’ చిత్రంలోని శ్రీవల్లి పాత్రతో దేశవ్యాప్తంగా యువతరానికి చేరువకావడమే కాకుండా నేషనల్ క్రష్గా పేరు తెచ్చుకుంది. ఇక గతేడాది విడుదలైన ‘యానిమల్’ సినిమాలో గీతాంజలి పాత్రలో అద్భుత అభినయంతో మరింత పేరు సంపాదించుకుంది. ఇదిలావుంటే తాజాగా ఈ అమ్మడు అరుదైన ఘనతను సొంతం చేసుకుంది.
జపాన్లోని టోక్యో(Tokyo) వేదికగా జరిగే ప్రతిష్టాత్మకమైన క్రంచీరోల్ అనిమే అవార్డ్స్ 2024లో భారత్ తరపున పాల్గొనేందుకు రష్మికకు అవకకాశం దక్కింది. ఇక ఈ ఈవెంట్ కోసం జపాన్ వెళ్లింది రష్మిక. అయితే టోక్యో ఎయిర్ పోర్టులో రష్మిక ల్యాండ్ అవ్వగానే నేషనల్ క్రష్కు గ్రాండ్ గా స్వాగతం లభించింది. జపాన్ లో రష్మిక అభిమానులు….ఆమె ఫొటోస్తో డిజైన్ చేసిన ఫ్లకార్డులు చూపిస్తూ సాదరంగా ఆహ్వానించారు. ఇక జపాన్ అభిమానులు తనపై చూపిస్తున్న ప్రేమకు పొంగిపోతూ.. రష్మిక తన సంతోషాన్ని వ్యక్తం చేసింది. కాగా ప్రస్తుతం ఇందుకు సంబంధించిన వీడియో సోషల్ మీడియాలో వైరల్గా మారింది. ఇక ఈ అవార్డుల వేడుక మార్చి 02న టోక్యోలో జరుగనుంది.
National crush @iamRashmika was warmly welcomed by her fans in Tokyo❤️#RashmikaMandanna #Pushpa2TheRule pic.twitter.com/lFWbaQLpvm
— Suresh PRO (@SureshPRO_) March 1, 2024