బాహుబలి, ఆర్‌ఆర్‌ఆర్‌ స్థాయి సినిమా

‘తెలుగులో ఓ క్రేజీ మూవీ వచ్చిందని అంతా గర్వంగా చెప్పుకునేలా ఈ సినిమా ఉంటుంది. మనం విదేశాలకు వెళ్లినప్పుడు బాహుబలి, ఆర్‌ఆర్‌ఆర్‌ సినిమాల గురించి ఎలా చెప్పుకుంటామో ‘రావు బహదూర్‌' గురించి కూడా అలా చెప్పుకుంటారు. ఇది నా ప్రామిస్‌.

‘తెలుగులో ఓ క్రేజీ మూవీ వచ్చిందని అంతా గర్వంగా చెప్పుకునేలా ఈ సినిమా ఉంటుంది. మనం విదేశాలకు వెళ్లినప్పుడు బాహుబలి, ఆర్‌ఆర్‌ఆర్‌ సినిమాల గురించి ఎలా చెప్పుకుంటామో ‘రావు బహదూర్‌’ గురించి కూడా అలా చెప్పుకుంటారు. ఇది నా ప్రామిస్‌. దర్శకుడు వెంకటేశ్‌ మహా ప్రాణం పెట్టి ఈ సినిమా తీశారు. ప్యాషన్‌ ఉన్న వారంతా కలిసి పనిచేసిన సినిమా ఇది. జూలై 4 నా పుట్టినరోజు. ఈ సినిమాను చూసి, నా బర్త్‌డే గిఫ్ట్‌ ఇస్తారని ఆశిస్తున్నా’ అని హీరో సత్యదేవ్‌ అన్నారు. ఆయన హీరోగా రూపొందుతున్న సైకలాజికల్‌ డ్రామా ‘రావు బహదూర్‌’.

వెంకటేశ్‌ మహా దర్శకుడు. చింతా గోపాలకృష్ణరెడ్డి, అనురాగ్‌రెడ్డి, శరత్‌చంద్ర నిర్మాతలు. సూపర్‌స్టార్‌ మహేశ్‌బాబు, నమ్రత శిరోద్కర్‌ జీఎంబీ ఎంటర్‌టైన్‌మెంట్‌ సమర్పణలో రూపొందుతున్న ఈ చిత్రం జూలై 3న విడుదల కానుంది. ఈ సందర్భంగా ‘నాట్‌ ఏ టీజర్‌’ పేరుతో శుక్రవారం హైదరాబాద్‌లో నిర్వహించిన టీజర్‌ లాంచ్‌ కార్యక్రమంలో సత్యదేవ్‌ మాట్లాడారు. ఈ సినిమాకోసం ఎన్నో సాహసోపేత నిర్ణయాలు తీసుకోవాల్సివచ్చిందని, ఈ పాత్రకోసం సత్యదేవ్‌ చాలా కష్టపడ్డారని, అద్భుతంగా నటించారని దర్శకుడు వెంకటేష్‌ మహా అన్నారు. ఇంకా కథానాయిక దీపా థామస్‌తోపాటు నిర్మాతలు కూడా మాట్లాడారు.