Ranveer Singh Next Movie | బాలీవుడ్ హీరో రణ్వీర్ సింగ్ తెలుగు ప్రేక్షకులకు సుపరిచితమే. ఆయన నటించిన ‘రామ్లీల’, ‘బాజీరావు మస్తానీ’, ‘పద్మావతి’ వంటి సినిమాలు తెలుగు డబ్బింగ్ వెర్షన్లో రిలీజై ఇక్కడ కూడా మంచి విజయాలు సాధించాయి. ఇటీవలే ఆయన ‘సర్కస్’ సినిమాతో ప్రేక్షకుల ముందుకు వచ్చాడు. రోహిత్ శెట్టి దర్శకత్వం వహించిన ఈ సినిమా మొదటి షో నుండి డివైడ్ టాక్ తెచ్చుకుంది. బ్రేక్ ఈవెన్ కోసం బాక్సాఫీస్ దగ్గర ఎదురీదుతుంది. ఇక రణ్వీర్ నటించిన మరో సినిమా ‘రాకీ ఔర్ రాణీ కీ ప్రేమ్ కహాని రిలీజ్’కు సిద్ధంగా ఉంది. కరణ్ జోహర్ దర్శకత్వం వహించిన ఈ సినిమా వచ్చే ఏడాది సమ్మర్ కానుకుగా ప్రేక్షకుల ముందుకు రానుంది.
ఇదిలా ఉంటే రణ్వీర్ సింగ్ రీమేక్కు సిద్ధమైనట్లు తెలుస్తుంది. అది కూడా తెలుగు సినిమా. మాస్ మహారాజా రవితేజకు మంచి కంబ్యాక్ ఇచ్చిన ‘క్రాక్’ సినిమాను రణ్వీర్ సింగ్ రీమేక్ చేయనున్నాడట. ఒరిజినల్ వెర్షన్ను తెరకెక్కించిన గోపిచంద్ మలినేని రీమేక్ వెర్షన్ను కూడా రూపొందించనున్నాడట. ఇప్పటికే కథా చర్చలు కూడా ముగిసినట్లు టాక్. త్వరలోనే దీనిపై అధికారిక ప్రకటన వచ్చే చాన్స్ ఉంది. ప్రస్తుతం గోపిచంద్ మలినేని బాలయ్యతో వీర సింహా రెడ్డి తెరకెక్కిస్తున్నాడు. మరో మూడు రోజుల్లో ఈ సినిమా షూటింగ్ పూర్తి కానుంది. ఇక సంక్రాంతి కానుకగా వచ్చే ఏడాది జనవరి 12న ఈ సినిమా ప్రేక్షకుల ముందుకు రానుంది.