Rana Naidu Season 2 | ‘రానా నాయుడు’ సీజ‌న్ 2 టీజ‌ర్ వ‌చ్చేసింది

Rana Naidu 2 Teaser | టాలీవుడ్ హీరోలు ద‌గ్గుబాటి వెంక‌టేశ్ (Venkatesh), రానా (Rana) కాంబోలో వచ్చిన నెట్‌ఫ్లిక్స్ (Netflix) వెబ్ సిరీస్ రానా నాయుడు (Rana Naidu) సీజ‌న్ 2 రాబోతుంది. తాజాగా దీనికి సంబంధించిన టీజ‌ర్‌ను మేక‌ర్స్ విడుద‌ల చేశారు.

Rana Naidu Season 2 Official Teaser | టాలీవుడ్ హీరోలు ద‌గ్గుబాటి వెంక‌టేశ్ (Venkatesh), రానా (Rana) కాంబోలో వచ్చిన నెట్‌ఫ్లిక్స్ (Netflix) వెబ్ సిరీస్ రానా నాయుడు (Rana Naidu). అమెరిక‌న్ హిట్ సిరీస్ రే డోనోవ్యాన్‌కు అడాప్షన్‌గా తెరకెక్కిన ఈ సిరీస్‌ తెలుగు, త‌మిళంతోపాటు వివిధ భాషల్లో విడుదల‌య్యి మంచి రికార్డు వ్యూస్ సాధించిన విష‌యం తెలిసిందే.

ఈ సిరీస్‌లో నాగానాయుడు (వెంకటేశ్‌), రానా నాయుడు (రానా) తండ్రీ కొడుకులుగా నటించారు. వారి మధ్య నడిచే ట్రాక్‌లో కొన్ని అభ్యంతరకర సన్నివేశాలు ఉన్నప్పటికీ, మిగిలిన కథాంశం ఆసక్తికరంగా సాగుతుంది. ‘రానా నాయుడు’ విజయంతో, చిత్రబృందం సీజన్ 2 రాబోతుందని ఇప్పటికే ప్రకటించింది. ఈ సిరీస్‌ను జూన్ 13న నెట్‌ఫ్లిక్స్ వేదికగా తెలుగు, తమిళం, మలయాళం, హిందీ భాషల్లో విడుద‌ల చేయ‌నున్న‌ట్లు చిత్ర‌బృందం ప్ర‌క‌టించింది. ఈ సంద‌ర్భంగా తాజాగా టీజ‌ర్‌ను విడుద‌ల చేశారు మేక‌ర్స్. ఈ టీజ‌ర్ చూస్తుంటే ఇందులో అర్జున్ రాంపాల్ విలన్‌గా నటించబోతున్న‌ట్లు తెలుస్తుంది. కృతిక‌ర్భందా మ‌రో ముఖ్య పాత్ర‌లో న‌టిస్తుంది. ఈ వెబ్ సిరీస్‌కి కరణ్ అన్షుమాన్ దర్శకత్వం వహిస్తున్నారు.