Rana: రామ్ చ‌ర‌ణ్ మ‌ర‌ద‌లి పెళ్లిలో త‌ళుక్కున మెరిసిన రానా దంప‌తులు

గడి కోట సంస్థానాధీశులు కామినేని అనిల్ కుమార్- శోభన రెండో కూతురు అనుష్పాల వివాహం నిన్న అంగ‌రంగ వైభ‌వంగా జ‌రిగింది. దోమకొండ గడికోట వేదిక‌గా జ‌రిగిన అనుష్పాల‌ పెళ్లి వేడుకకు మెగా స్టార్ ఫ్యామిలీ సైతం హజర్యయారు. ఇక రానా దగ్గుబాటి, మిహీకా బజాజ్‌ కూడా హాజరైన పిక్ ఒకటి బయటకు వచ్చింది. అందులో ఈ సెలెబ్రిటీ దంపతులతో పాటు రామ్ చరణ్ కూడా ఉన్నాడు. పిక్ లో ముగ్గురూ అద్భుతంగా కన్పిస్తున్నారు.

ఉపాసన చెల్లెలు అనుష్పాల‌..తన ప్రియుడు అర్మాన్ ఇబ్రహీంను నిన్న వివాహం చేసుకున్నారు. పెళ్లి వేడుకలు ప్రారంభరోజు నుంచి వివాహం వరకు ప్రతి అప్డేట్.. ఫోటోలను సోషల్ మీడియాలో షేరు చేస్తున్నారు ఉపాసన. దోమకొండ కోటలో జరిగిన పోచమ్మ పండుగ.. నుంచి సంగీత్ వేడుకలు ఇలా అన్ని సందర్భాల ఫోటోలు నెట్టింట్లో వైరల్ అవుతున్నాయి. పోచమ్మ పండగ సెలబ్రెషన్స్ లో తన పెళ్లినాటి దుస్తులను రీక్రియేట్ చేసి అందరి దృష్టిని ఆకర్షించారు ఉపాసన.

అనుష్పాల చెన్నైకి చెందిన కార్ రేసర్ అర్మాన్ ఇబ్రహీంని పెళ్లాడగా, అత‌ను మాజీ ఇండియన్‌ ఎఫ్‌ 3 ఛాంపియన్‌ అక్బర్‌ ఇబ్రహీం తనయుడే . కార్‌ రేసర్‌గా గుర్తింపు తెచ్చుకున్నాడు. అర్మాన్ ఇబ్రహీం తండ్రి వారసత్వాన్ని పుణికి పుచ్చుకుని కార్ రేసర్ గా ప్రతిభను నిరూపించుకుని పాపులారిటీ సంపాదించాడు. ఇక అనుష్పాల అపోలో గ్రూప్ ఛైర్మన్ ప్రతాప్ రెడ్డి.. దోమకొండ కోటకు చెందిన ఉమాపతి రావులకు మనవరాలు. శోభన- అనిల్ కామినేనిల రెండో కూతురు.