Ramcharan | డిసెంబర్‌లో రామ్‌చరణ్‌-బుచ్చిబాబు సినిమా షురూ

Ramcharan | అగ్ర హీరో రామ్‌చరణ్‌ ప్రస్తుతం ‘గేమ్‌ ఛేంజర్‌' సినిమా షూటింగ్‌లో బిజీగా ఉన్నారు. శంకర్‌ దర్శకత్వంలో తెరకెక్కుతున్న ఈ పొలిటికల్‌ యాక్షన్‌ డ్రామా చిత్రీకరణ తుది దశకు చేరుకుందని తెలిసింది. ఈ సినిమా తర్వాత ‘ఉప్పెన’ ఫేమ్‌ బుచ్చిబాబు సాన దర్శకత్వంలో రామ్‌చరణ్‌ ఓ చిత్రంలో నటించబోతున్న విషయం తెలిసిందే.

Ramcharan |  అగ్ర హీరో రామ్‌చరణ్‌ ప్రస్తుతం ‘గేమ్‌ ఛేంజర్‌’ సినిమా షూటింగ్‌లో బిజీగా ఉన్నారు. శంకర్‌ దర్శకత్వంలో తెరకెక్కుతున్న ఈ పొలిటికల్‌ యాక్షన్‌ డ్రామా చిత్రీకరణ తుది దశకు చేరుకుందని తెలిసింది. ఈ సినిమా తర్వాత ‘ఉప్పెన’ ఫేమ్‌ బుచ్చిబాబు సాన దర్శకత్వంలో రామ్‌చరణ్‌ ఓ చిత్రంలో నటించబోతున్న విషయం తెలిసిందే. గ్రామీణ నేపథ్యంలో స్పోర్ట్స్‌ డ్రామాగా ఈ చిత్రాన్ని తెరకెక్కించబోతున్నారు.

ఇప్పటికే ఈ సినిమాను అధికారికంగా ప్రకటించారు. తాజా సమాచారం ప్రకారం డిసెంబర్‌లో ఈ చిత్రం సెట్స్‌మీదకు వెళ్తుందని తెలిసింది. ఈ సినిమాలో రామ్‌చరణ్‌ సరికొత్త మేకోవర్‌తో కనిపిస్తారని, ఆయన పాత్ర గత చిత్రాలకు భిన్నంగా ఉంటుందని చెబుతున్నారు. మైత్రీ మూవీమేకర్స్‌, సుకుమార్‌ రైటింగ్స్‌, వ్రిద్ధి సినిమాస్‌ సంయుక్తంగా ఈ చిత్రాన్ని నిర్మించబోతున్నాయి.