RC16 | రామ్‌చ‌ర‌ణ్-గౌత‌మ్ తిన్న‌నూరి ‘RC16’ కాన్సిల్ అయిందా?

RC16 Shelved | ‘ఆర్ఆర్ఆర్‌’తో జాతీయ స్తాయిలో గుర్తింపు తెచ్చుకున్నాడు రామ్‌చ‌ర‌ణ్‌. ప్ర‌స్తుతం ఈయ‌న లెజండరీ డైరెక్ట‌ర్ శంక‌ర్ ద‌ర్శ‌క‌త్వంలో ‘RC15’ చేస్తున్నాడు. ఇప్ప‌టికే స‌గం వ‌ర‌కు షూటింగ్ పూర్తి చేసుకున్న ఈ చిత్రం వ‌చ్చే ఏడాది ద్వితియార్థంలో విడుద‌ల కానుంది. చిత్రం నుండి లీకైన పోస్ట‌ర్‌కు ప్రేక్ష‌కుల నుండి విశేష స్పంద‌న వ‌చ్చింది. కాగా ఈ చిత్రం త‌ర్వాత రామ్‌చ‌ర‌ణ్, ‘జెర్సీ’ ఫేం గౌత‌మ్ తిన్న‌నూరితో సినిమా చేయ‌నున్న‌ట్లు గ‌తంలోనే ప్ర‌క‌ట‌న వ‌చ్చింది. యూవీ క్రియేష‌న్స్ సంస్థ ఈ చిత్రాన్ని నిర్మించ‌నున్న‌ట్లు సంస్థ నుండి అధికారికంగా ప్ర‌క‌ట‌న వ‌చ్చింది. అయితే తాజాగా ఈ చిత్రం కాన్సిల్ అయిన‌ట్లు తెలుస్తుంది.

టాలీవుడ్ వ‌ర్గాల స‌మాచారం ప్ర‌కారం ఈ చిత్రం కాన్సిల్ అయిన‌ట్లు టాక్‌. గౌత‌మ్ తిన్న‌నూరి ఇటీవ‌లే ‘జెర్సీ’ చిత్రాన్ని బాలీవుడ్‌లో షాహిద్ క‌పూర్‌తో తెర‌కెక్కించిన విష‌యం తెలిసిందే. అయితే ఈ చిత్రం అనుకున్న స్థాయిలో హిట్టు కాలేదు. దాంతో రామ్‌చ‌ర‌ణ్ సందిగ్ధంలో పడ్డాడు. టాలీవుడ్ వ‌ర‌కు ఒకే కానీ, పాన్ ఇండియా స్థాయిలో తెర‌కెక్కుతున్న ‘Rc16’ను హ్యండిల్ చేయగ‌ల‌డా అని అనుకున్నాడ‌ట‌. దాంతో గౌత‌మ్ తిన్న‌నూరితో సినిమా క్యాన్సిల్ చేసి వేరే డైరెక్ట‌ర్‌ను వెతికే పనిలో ఉన్నాడ‌ట‌. ఇందులో నిజ‌మెంతుందో తెలియాలంటే మేక‌ర్స్ నుండి అధికారిక ప్ర‌క‌ట‌న రావాల్సి ఉంది. ఈ క్ర‌మంలోనే రామ్‌చ‌ర‌ణ్ ‘మ‌ఫ్టీ’ వంటి బ్లాక్ బ‌స్ట‌ర్ చిత్రాన్ని తెర‌కెక్కించిన నార్త‌న్ (క‌న్న‌డ ద‌ర్శ‌కుడు)ని లైన్లో పెట్టిన‌ట్లు తెలుస్తుంది.