Rakul preet singh Wedding | బాలీవుడ్ స్టార్ హీరోయిన్ రకుల్ ప్రీత్ సింగ్ (Rakul preet singh) త్వరలో పెళ్లి పీటలు ఎక్కనున్న విషయం తెలిసిందే. బాలీవుడ్ నటుడు జాకీ భగ్నానీని రకుల్ ఈ నెల 21న గోవాలో పెళ్లి చేసుకోబోతుంది. ఈ క్రమంలో వీరి పెళ్లికి సంబంధించిన అఫీషియల్ వెడ్డింగ్ కార్డు సోషల్ మీడియాలో వైరల్గా మారింది. ఫిబ్రవరి 21న గోవాలోని ఓ ప్రైవేట్ రిసార్ట్లో ఈ పెళ్లి జరుగబోతున్నట్లు ఈ కార్డులో ఉంది. ఇక కుటుంబసభ్యులు, స్నేహితులు, సన్నిహితుల సమక్షంలో రకుల్ పెళ్లి గ్రాండ్గా జరుగనుంది. అయితే ఈ వేడుకకు టాలీవుడ్ నుంచి మంచు లక్ష్మితో పాటు ప్రగ్యా జైస్వాల్, సీరత్ కపూర్ తదితరులు హాజరుకానున్నట్లు సమాచారం.
బాలీవుడ్ నటుడు నిర్మాత జాకీ భగ్నానీతో తాను రిలేషన్లో ఉన్నానంటూ రకుల్ ప్రీత్ సింగ్ 2021లో ప్రకటించిన విషయం తెలిసిందే. కొంతకాలంగా ప్రేమలో ఉన్న వీరిద్దరూ.. ఫిబ్రవరి 21న ఒక్కటి కాబోతున్నారు. ఇక రకుల్ సినిమాల విషయానికి వస్తే.. ప్రస్తుతం హిందీలో మేరీ పత్నీ కా రీమేక్లో నటిస్తోంది. ఈ మూవీ చిత్రీకరణ దశలో ఉంది. మరోవైపు తమిళంలో తెరకెక్కుతున్న ఇండియన్ 2 సినిమాలో ఫీ మేల్ లీడ్ రోల్స్ పోషిస్తోంది. రకుల్ తెలుగులో చివరగా 2021లో వచ్చిన కొండపొలంలో నటించింది.
Rakul preet singh Wedding Card