రజనీకాంత్ బేసిగ్గా అమితాబ్ అభిమాని. నటుడిగా తనపై బిగ్బీ ప్రభావం చాలా ఉందని పలు సందర్భాల్లో చెప్పారు కూడా. తమిళనాట సూపర్స్టార్గా ఉండికూడా బాలీవుడ్లో అమితాబ్తో కొన్ని సినిమాలు చేశారు రజనీ. మళ్లీ దాదాపు 33ఏళ ్లసుదీర్ఘ విరామం తర్వాత అమితాబ్తో ఆయన నటించబోతున్నాడు. టి.జె.జ్ఞానవేల్ దర్శకత్వంలో రూపొందనున్న తన 170వ చిత్రంలో వీరిద్దరూ తెరను పంచుకోబోతున్నారు. ఈ విషయంపై సూపర్స్టార్ ఎక్స్(ట్విటర్) ద్వారా ఆనందాన్ని పంచుకున్నారు. ‘ 33ఏళ్ల తర్వాత నా గురువు, మార్గదర్శకుడు, దిగ్రేట్ అమితాబ్గారితో నటించబోతున్నాను. నా గుండె ఆనందంతో కొట్టుకుంటుంది’ అంటూ ట్వీట్ చేశారు తలైవా. ఇద్దరు సూపర్స్టార్లు తెరను పంచుకోబోతున్న ఈ సినిమాపై అంచనాలు ఏ స్థాయిలో ఉంటాయో ప్రత్యేకించి చెప్పాల్సిన పనిలేదు. ఇది అభిమానులకే కాదు, సగటు ప్రేక్షకుడికి కూడా ఆనందాన్ని పంచే వార్తే.