Lal Salaam | ఫిబ్రవరిలో లాల్‌ సలామ్‌.. లెజెండరీ క్రికెటర్‌ కపిల్‌దేవ్‌ అతిథి పాత్ర

సూపర్‌స్టార్‌ రజనీకాంత్‌ కీలక పాత్రలో నటిస్తున్న చిత్రం ‘లాల్‌ సలామ్‌'. ఈ సినిమాలో లెజెండరీ క్రికెటర్‌ కపిల్‌దేవ్‌ అతిథి పాత్రను పోషించారు. విష్ణు విశాల్‌, విక్రాంత్‌ హీరోలుగా నటించారు.

Lal Salaam | సూపర్‌స్టార్‌ రజనీకాంత్‌ కీలక పాత్రలో నటిస్తున్న చిత్రం ‘లాల్‌ సలామ్‌’. ఈ సినిమాలో లెజెండరీ క్రికెటర్‌ కపిల్‌దేవ్‌ అతిథి పాత్రను పోషించారు. విష్ణు విశాల్‌, విక్రాంత్‌ హీరోలుగా నటించారు. ఐశ్వర రజనీకాంత్‌ దర్శకురాలు. లైకా ప్రొడక్షన్స్‌ నిర్మించిన ఈ చిత్రాన్ని ఫిబ్రవరి 9న పాన్‌ ఇండియా స్థాయిలో విడుదల చేయబోతున్నారు.

ముంబయి నేపథ్యంలో క్రికెట్‌ ప్రధానంగా నడిచే ఈ కథలో మొయినుద్దీన్‌ భాయ్‌గా శక్తివంతమైన పాత్రలో రజనీకాంత్‌ కనిపించబోతున్నారు. భిన్న మతాలకు చెందిన ఇద్దరు మిత్రులకు క్రికెట్‌ అంటే ప్రాణం. అయితే మతం పేరుతో గొడవల వల్ల వారు ఆటకు దూరమయ్యే పరిస్థితి వస్తుంది.

ఈ నేపథ్యంలో మొయినుద్దీన్‌ భాయ్‌ వారి మధ్య ఉన్న విద్వేషాలను ఎలా తొలగించాడు? ఇరు వర్గాలు సఖ్యతతో జీవించేందుకు ఏం చేశాడన్నదే ఈ సినిమా కథాంశమని దర్శకుడు తెలిపారు. రిలీజ్‌ డేట్‌ అనౌన్స్‌మెంట్‌ పోస్టర్‌లో సూపర్‌స్టార్‌ రజనీకాంత్‌, క్రికెట్‌ లెజెండ్‌ కపిల్‌దేవ్‌ చిరునవ్వులు చిందిస్తూ కనిపిస్తున్నారు. ఈ చిత్రానికి సినిమాటోగ్రఫీ: విష్ణు రంగస్వామి, సంగీతం: ఏ.ఆర్‌.రెహమాన్‌, నిర్మాత: సుభాస్కరన్‌, స్క్రీన్‌ప్లే, దర్శకత్వం: ఐశ్వర్య రజనీకాంత్‌.