Rajinikanth | గ్రీస్‌లో అంగరంగ వైభవంగా అనిరుధ్‌, కావ్య‌ల వివాహం.. కొత్త జంటతో రజనీకాంత్ డ్యాన్స్!

Rajinikanth | సౌత్ ఇండియన్ సినీ ఇండస్ట్రీలో ప్రస్తుతం హాట్ టాపిక్‌గా మారిన వార్త అనిరుధ్ రవిచందర్, కావ్య మారన్ వివాహం. ప్రముఖ సంగీత దర్శకుడు అనిరుధ్ రవిచందర్, సన్ గ్రూప్ అధినేత కళానిధి మారన్ కుమార్తె, సన్‌రైజర్స్ హైదరాబాద్ జట్టు సీఈఓ కావ్య మారన్‌ను వివాహం చేసుకున్నారు. ఎన్నో రోజులుగా ప్రేమలో ఉన్న ఈ జంట నవంబర్ 11, బుధవారం గ్రీస్‌లో జరిగిన అంగరంగ వైభవమైన వేడుకలో ఒక్కటయ్యారు.

Rajinikanth | సౌత్ ఇండియన్ సినీ ఇండస్ట్రీలో ప్రస్తుతం హాట్ టాపిక్‌గా మారిన వార్త అనిరుధ్ రవిచందర్, కావ్య మారన్ వివాహం. ప్రముఖ సంగీత దర్శకుడు అనిరుధ్ రవిచందర్, సన్ గ్రూప్ అధినేత కళానిధి మారన్ కుమార్తె, సన్‌రైజర్స్ హైదరాబాద్ జట్టు సీఈఓ కావ్య మారన్‌ను వివాహం చేసుకున్నారు. ఎన్నో రోజులుగా ప్రేమలో ఉన్న ఈ జంట నవంబర్ 11, బుధవారం గ్రీస్‌లో జరిగిన అంగరంగ వైభవమైన వేడుకలో ఒక్కటయ్యారు. కుటుంబ సభ్యులు, అత్యంత సన్నిహితులు, సినీ, రాజకీయ రంగాలకు చెందిన ప్రముఖుల సమక్షంలో వీరి వివాహ వేడుక ఘనంగా జరిగింది.ఈ వివాహానికి సంబంధించిన ఫొటోలను అనిరుధ్ రవిచందర్ సోషల్ మీడియా వేదికగా అభిమానులతో పంచుకున్నారు. ‘జీవితంలో ఒక్కసారే వచ్చే సందర్భం.. జీవితాంతం.. 11.11’ అంటూ తన పెళ్లి ఫొటోలకు ఆసక్తికరమైన క్యాప్షన్ ఇచ్చారు. దీంతో ఈ కొత్త జంటకు సోషల్ మీడియాలో శుభాకాంక్షలు వెల్లువెత్తుతున్నాయి. ముఖ్యంగా అనిరుధ్ అభిమానులు ఈ వార్తతో ఎంతో ఆనందం వ్యక్తం చేస్తున్నారు.

అనిరుధ్, కావ్య మారన్ వివాహ వేడుకను గ్రీస్‌లో అత్యంత వైభవంగా నిర్వహించారు. ఈ వేడుకకు సూపర్ స్టార్ రజనీకాంత్, తమిళనాడు మాజీ ముఖ్యమంత్రి ఎం.కె. స్టాలిన్ సహా పలువురు సినీ, రాజకీయ ప్రముఖులు హాజర‌య్యారు. నూతన వధూవరులను ఆశీర్వదించి తమ శుభాకాంక్షలు తెలియజేశారు. ముఖ్యంగా రజనీకాంత్ ఈ వేడుకలో ప్రత్యేక ఆకర్షణగా నిలిచారు. పెళ్లి సంబరాల్లో తలైవర్ తనదైన శైలిలో సందడి చేశారు. కొత్త జంటతో కలిసి ఆయన డ్యాన్స్ చేసిన వీడియో ప్రస్తుతం సోషల్ మీడియాలో వైరల్ అవుతోంది. రజనీకాంత్‌ను ఇలా పెళ్లి వేడుకలో ఉత్సాహంగా చూసిన అభిమానులు ఆనందం వ్యక్తం చేస్తున్నారు. అనిరుధ్, కావ్యలతో కలిసి ఆయన కాలు కదిపిన దృశ్యాలు నెటిజన్ల దృష్టిని ఆకర్షిస్తున్నాయి.

గ్రీస్‌లో వివాహ వేడుకను నిర్వహించిన ఈ జంట, త్వరలోనే చెన్నైలో మరో వేడుకకు సిద్ధమవుతున్నట్లు తెలుస్తోంది. నవంబర్ 21న చెన్నైలో గ్రాండ్ రిసెప్షన్ నిర్వహించనున్నట్లు సమాచారం. ఈ వేడుకకు తమిళ సినీ పరిశ్రమకు చెందిన ప్రముఖ నటీనటులు, దర్శకులు, సంగీత దర్శకులు, రాజకీయ, వ్యాపార రంగాలకు చెందిన ప్రముఖులు హాజరయ్యే అవకాశం ఉంది.మొత్తానికి అనిరుధ్ రవిచందర్, కావ్య మారన్ వివాహం సినీ, క్రికెట్ అభిమానుల్లో ఆసక్తిని రేకెత్తిస్తోంది. ఒకవైపు సంగీత ప్రపంచంలో తనదైన ముద్ర వేస్తున్న అనిరుధ్, మరోవైపు ఐపీఎల్‌లో సన్‌రైజర్స్ హైదరాబాద్ జట్టు నిర్వహణలో కీలకంగా వ్యవహరిస్తున్న కావ్య మారన్.. ఇలా రెండు విభిన్న రంగాలకు చెందిన ప్రముఖులు ఒక్కటవడంతో ఈ పెళ్లి వేడుక ప్రత్యేక ఆకర్షణగా నిలిచింది. ఇక కొత్త జంట చెన్నై రిసెప్షన్ కోసం అభిమానులు ఆసక్తిగా ఎదురుచూస్తున్నారు.

Superstar #Rajinikanth steals the show with his dance moves at #Anirudh & #KavyaMaran’s wedding! 🔥❤️🕺

#AnirudhKavyaWedding #AnirudhRavichander https://t.co/DTD83FVXjq

— Vasanth Raj (@vasanthraj001) November 11, 2026