shekar Glimpse | వాడెప్పుడైనా మ‌నం చెప్పింది చేశాడా..? రాజ‌’శేఖ‌ర్’ ఎంట్రీ కేక..టీజ‌ర్

టాలీవుడ్ యాంగ్రీ యంగ్‌మెన్ రాజ‌శేఖ‌ర్ (Rajashekar) న‌టిస్తోన్న చిత్రం శేఖ‌ర్ (shekar) . ఈ మూవీ టీజ‌ర్‌ను (shekar Glimpse) మేక‌ర్స్ విడుద‌ల చేశారు.

November 25, 2021 / 06:21 PM IST

shekar Glimpse | వాడెప్పుడైనా మ‌నం చెప్పింది చేశాడా..? రాజ‌’శేఖ‌ర్’ ఎంట్రీ కేక..టీజ‌ర్

జీవితారాజ‌శేఖ‌ర్ (Jeevitha Rajashekar) స్క్రీన్ ప్లే, డైరెక్ష‌న్ లో టాలీవుడ్ యాంగ్రీ యంగ్‌మెన్ రాజ‌శేఖ‌ర్ (Rajashekar) న‌టిస్తోన్న చిత్రం శేఖ‌ర్ (shekar) . ఈ మూవీ టీజ‌ర్‌ను (shekar Glimpse) మేక‌ర్స్ విడుద‌ల చేశారు. ‘అర‌కు బంగ్లాలో వృద్ద దంప‌తులు దారుణ హ‌త్య‌..సంఘ‌ట‌న స్థ‌లానికి హుటాహుటిన చేరుకున్న ఎస్పీ ప్రాథ‌మిక విచార‌ణ చేప‌డుతున్నారు..’అనే సంభాష‌ణ‌ల‌తో మొద‌లైన టీజ‌ర్ సినిమాపై ఆస‌క్తిని రేకెత్తిస్తోంది.

‘ఇన్వెస్టిగేష‌న్ చేయ‌కుండా ఎవ‌రి గురించి వెయిట్ చేస్తున్నాడీయ‌న..అని ఓ వ్య‌క్తి అడుగుతుండ‌గా..మీకు తెలియ‌దా సార్ కొన్ని రోజుల క్రితం రిజైన్ చేశాడే శేఖ‌ర్ అని అత‌డి కోసం వెయిటింగ్..అని మ‌రో వ్య‌క్తి చెబుతున్నాడు. వాడెప్పుడైనా మ‌నం చెప్పింది చేశాడా..? వాడు చేసేది మ‌న‌కు చెప్పాడా..? ‘ అంటూ రిటైర్డ్‌ పోలీస్ ఆఫీసర్ శేఖ‌ర్ రోల్ గురించి చెబుతున్న సంభాష‌ణ‌లు కొత్త‌గా సాగుతూ క్యూరియాసిటీని పెంచుతున్నాయి.

గ‌రుడ వేగతో సెకండ్ ఇన్నింగ్స్ మొద‌లుపెట్టిన ఈ సారి సాల్ట్ పెప్ప‌ర్ లుక్‌లో స్టైలిష్‌గా బుల్లెట్‌పై వ‌స్తూ కొత్త‌గా క‌నిపిస్తున్నాడు. మంచి హిట్టు కోసం ఎదురుచూస్తున్న రాజ‌శేఖ‌ర్ కు ఈ సినిమా బ్రేక్ ఇవ్వ‌డం ఖాయ‌మ‌ని టీజ‌ర్ చెబుతోంది. రాజశేఖర్ 91వ సినిమాగా వ‌స్తున్న ‘శేఖర్’ మూవీని తమ్మారెడ్డి భరద్వాజ సమర్పణలో పెగాస‌స్ సినీ కార్ప్‌, టార‌స్ సినీ కార్ప్‌, సుధాక‌ర్ ఇంప్లెక్స్ ఐపీఎల్‌, త్రిపుర క్రియేష‌న్స్ బ్యాన‌ర్లు ఈ చిత్రాన్ని సంయుక్తంగా నిర్మిస్తున్నాయి.