Visit:
Pushpa 2 The Rule | అగ్ర క‌థానాయ‌కుడు అల్లు అర్జున్ (Allu Arjun) ప్ర‌ధాన పాత్ర‌లో న‌టించిన రీసెంట్ బ్లాక్ బ‌స్ట‌ర్ చిత్రం ‘పుష్ప 2 ది రూల్‌’ (Pushpa The Rule). సుకుమార్ ద‌ర్శ‌క‌త్వంలో వ‌చ్చిన ఈ సినిమాలో రష్మిక కథానాయికగా న‌టించింది. డిసెంబ‌ర్ 05న ప్రేక్ష‌కుల ముందుకు వ‌చ్చిన ఈ చిత్రం బాక్సాఫీస్‌ వద్ద కాసుల వర్షం కురిపించిన విష‌యం తెలిసిందే. దాదాపు రూ.1800 కోట్ల‌కు పైగా వ‌సూళ్ల‌ను రాబ‌ట్టి ప్ర‌భాస్ బాహుబ‌లి 2 పేరు మీద ఉన్న అత్య‌ధిక వ‌సుళ్ల రికార్డును అధిగ‌మించింది.
ప్ర‌స్తుతం ఈ చిత్రం ఓటీటీలో స్ట్రీమింగ్ అవుతున్న విష‌యం తెలిసిందే. ప్ర‌ముఖ ఓటీటీ వేదిక నెట్‌ఫ్లిక్స్‌లో ఈ చిత్రం తెలుగుతో పాటు, త‌మిళం, హిందీ, క‌న్న‌డ, మ‌ల‌యాళం భాష‌ల్లో స్ట్రీమింగ్ అవుతుంది. ఇదిలావుంటే తాజాగా ఈ సినిమా ఇప్ప‌టివ‌ర‌కు సాధించిన ఫైన‌ల్ క‌లెక్ష‌న్స్‌ని చిత్ర‌బృందం తాజాగా వెల్ల‌డించింది. ఈ సినిమా రూ. 1,871 కోట్ల వ‌సూళ్ల‌ను రాబ‌ట్టిన‌ట్లు చిత్ర‌యూనిట్ తెలిపింది. ఈ సంద‌ర్భంగా కొత్త పోస్ట‌ర్‌ను విడుద‌ల చేసింది. మొద‌టి రోజే రూ.294 కోట్ల వ‌సూళ్ల‌ను రాబ‌ట్టిన ఈ చిత్రం 3 రోజుల్లోనే రూ.500 కోట్ల గ్రాస్ వ‌సూళ్ల‌ను రాబ‌ట్టింది. అనంత‌రం 6 రోజుల్లోనే ఏకంగా రూ.1000 కోట్లు క‌లెక్ష‌న్లు తీసుకువ‌చ్చింది.
Shattering many records and creating new records, #Pushpa2TheRule stands tall as INDIAN CINEMA’S INDUSTRY HIT ❤️🔥#Pushpa2TheRule grosses 1871 CRORES WORLDWIDE 💥💥
RECORDS RAPA RAPAA 🔥#Pushpa2#WildFirePushpa
Icon Star @alluarjun @iamRashmika @aryasukku #FahadhFaasil… pic.twitter.com/zR6H9BQzrT— Pushpa (@PushpaMovie) February 18, 2025
