Pushpa 2 | భన్వర్‌సింగ్‌ ప్రతీకారం

‘పుష్ప’ చిత్రంలో మలయాళ అగ్ర నటుడు ఫహద్‌ ఫాజిల్‌ పోషించిన పోలీసాఫీసర్‌ భన్వర్‌సింగ్‌ షెకావత్‌ పాత్ర అందరికి గుర్తుండిపోయింది. ‘పార్టీ లేదా పుష్ప’ అంటూ ఆయన పలికిన డైలాగ్‌ చాలా పాపులర్‌ అయింది.

‘పుష్ప’ చిత్రంలో మలయాళ అగ్ర నటుడు ఫహద్‌ ఫాజిల్‌ పోషించిన పోలీసాఫీసర్‌ భన్వర్‌సింగ్‌ షెకావత్‌ పాత్ర అందరికి గుర్తుండిపోయింది. ‘పార్టీ లేదా పుష్ప’ అంటూ ఆయన పలికిన డైలాగ్‌ చాలా పాపులర్‌ అయింది. ‘పుష్ప-2’లో కూడా ఫహద్‌ ఫాజిల్‌ పాత్ర కీలకంగా ఉండబోతున్నదని తెలిసింది. అల్లు అర్జున్‌ కథానాయకుడిగా సుకుమార్‌ దర్శకత్వంలో రూపొందిస్తున్న ఈ చిత్రం ప్రస్తుతం షూటింగ్‌ను జరుపుకుంటున్నది.

మారేడుమిల్లి పరిసర ప్రాంతంలో ముఖ్య ఘట్టాలను తెరకెక్కిస్తున్నట్లు తెలిసింది. ఈ సినిమాకు సంబంధించిన తాజా అప్‌డేట్‌ను గురువారం చిత్ర బృందం వెల్లడించింది. ఫహద్‌ ఫాజిల్‌కు సంబంధించిన సన్నివేశాల్ని తాజా షెడ్యూల్‌లో పూర్తి చేశామని పేర్కొంది.

ఈ సందర్భంగా చిత్ర దర్శకుడు సుకుమార్‌, ఫహద్‌ ఫాజిల్‌ సెట్‌లో ఉన్న వర్కింగ్‌ స్టిల్‌ను విడుదల చేశారు. దీనికి ‘ఈ సారి ఆయన ప్రతీకారం తీర్చుకోవడానికి రాబోతున్నాడు’ అనే క్యాప్షన్‌ను జత చేశారు. ఈ చిత్రానికి దేవిశ్రీప్రసాద్‌ సంగీతాన్నందిస్తున్నారు. సుకుమార్‌ రైటింగ్స్‌తో కలిసి మైత్రీ మూవీ మేకర్స్‌ సంస్థ ఈ పాన్‌ ఇండియా చిత్రాన్ని నిర్మిస్తున్నది.