Proddatur Dussehra | ప్రొద్దుటూరు దసరా ఉత్సవాలపై డాక్యుమెంటరీ.. ఓటీటీలో స్ట్రీమింగ్

Proddatur Dussehra | రాయలసీమలోని ప్రొద్దుటూరు పట్టణంలో దసరా ఉత్సవాలు ఎంత ఘనంగా, వైభవంగా జరుగుతాయో ప్రత్యేకంగా చెప్పనక్కర్లేదు.

Rayala Seema | రాయలసీమలోని ప్రొద్దుటూరు పట్టణంలో దసరా ఉత్సవాలు ఎంత ఘనంగా వైభవంగా జరుగుతాయో ప్రత్యేకంగా చెప్పనక్కర్లేదు. ఈ వేడుక‌ల‌ను చూడ‌టానికి చూట్టుప్ర‌క్క‌ల ఉన్న గ్రామాలే ప్ర‌జ‌ల కాకుండా ఇత‌ర రాష్ట్రాల నుంచి కూడా ప్ర‌జ‌లు వ‌చ్చి తిల‌కిస్తారు. అయితే ఈ అద్భుతమైన దసరా వేడుకల వైభవాన్ని దేశవ్యాప్తంగా ప్రేక్షకులకు పరిచయం చేయాలనే ఉద్దేశంతో మురళీ కృష్ణ తుమ్మ అనే ద‌ర్శ‌కుడు దీనిపై ఓ ప్రత్యేక డాక్యుమెంటరీని రూపొందించారు.

‘బాల్కనీ ఒరిజినల్స్’ బ్యానర్ మీద, బుశెట్టి జువెల్లర్స్ సమర్పణలో ప్రేమ్ కుమార్ వలపల ఈ డాక్యుమెంటరీని నిర్మించారు. ఈ డాక్యుమెంటరీని కొత్త టీం అద్భుతంగా, కన్నుల పండువగా తెరకెక్కించిందని విమర్శకుల ప్రశంసలు అందుకుంది. అక్టోబర్ 31న విడుదలై మంచి ఆదరణ పొందిన ఈ డాక్యుమెంటరీ తాజాగా ఓటీటీలోకి వచ్చేసింది. ప్రముఖ తెలుగు ఓటీటీ సంస్థ అయిన ఈటీవీ విన్ (ETV Win)లో ఈ డాక్యుమెంటరీ ప్ర‌స్తుతం స్ట్రీమింగ్ అవుతోంది. సుమారు 40 నిమిషాల నిడివి ఉన్న ఈ డాక్యుమెంటరీ.. ప్రొద్దుటూరులో జరిగే దసరా ఉత్సవాలు, ఆచారాలు, సాంస్కృతిక వైభవాన్ని కళ్లకు కట్టినట్లుగా చూపించింది. ఈ డాక్యుమెంటరీకి స్టార్ సర్కిల్స్ డిజిటల్ ప్రమోషన్స్ అందించగా, కిలారి సుబ్బారావు పీఆర్‌ఓగా వ్యవహరించారు. ‘బాల్కనీ ఒరిజినల్స్’ బ్యానర్ నుంచి మరిన్ని సినిమాలు, డాక్యుమెంటరీలు రానున్నాయని సమాచారం.

Rayalaseema’s pride and devotion shine bright! 🌸
Proddatur Dussehra premieres Nov 7 🪔

📲 Only on @etvwin@etvwin #KrishnaMuraliThumma @PremKvalapala @Yashwanth_Nag #VenkateshChunduru @BalconyOrigina1 @AkiCreativeWork@chvenkatesh78 @APTDCofficial @Tourism_AP #IDEALDOTS… pic.twitter.com/O18qO83Bi5

— ETV Win (@etvwin) November 6, 2025