ప్రియమణి ప్రధాన పాత్రలో నటిస్తున్న చిత్రం ‘భామాకలాపం’. అభిమన్యు తాడిమేటి దర్శకుడు. సుధీర్ ఈదర, భోగవల్లి బాపినీడు నిర్మిస్తున్నారు. ఫిబ్రవరి 11న ‘ఆహా’ ఓటీటీలో ఈ చిత్రం విడుదలకానుంది. ఆదివారం ఈ చిత్ర టీజర్ను కథానాయిక రష్మిక మందన్న విడుదలచేసింది. ఈ టీజర్లో పొరుగింట్లో జరిగే విషయాల పట్ల ఆతృత కనబరిచే తత్వమున్న మధ్యతరగతి గృహిణిగా ప్రియమణి కనిపిస్తున్నది. ఓ హత్యకు ఆమె ఎలా ప్రత్యక్షసాక్షిగా నిలిచింది?తర్వాత ఆమె జీవితంలో చోటుచేసుకున్న పరిణామాలతో టీజర్ నవ్విస్తూనే ఉత్కంఠను రేకెత్తిస్తున్నది. నిర్మాతలు మాట్లాడుతూ ‘మర్డర్ మిస్టరీ కథాంశానికి వినోదాన్ని జోడించి తెరకెక్కిస్తున్న వెబ్ మూవీ ఇది. ఇందులో యూట్యూబ్ కుకరీ ఛానెల్ నడిపే మహిళగా, గృహిణిగా భిన్న పార్శాలున్న పాత్రలో ప్రియమణి కనిపిస్తుంది. ఈ సినిమా ద్వారా తెలుగు ఓటీటీ ప్లాట్ఫామ్లో ప్రియమణి అరంగేట్రం చేయనున్నది. ఈ చిత్రానికి ‘డియర్ కామ్రెడ్’ ఫేమ్ భరత్కమ్మ షో రన్నర్గా వ్యవహరిస్తున్నారు. జాన్ విజయ్, పమ్మిసాయి, శరణ్య ప్రదీప్ ప్రధాన పాత్రల్లో నటిస్తున్న ఈ చిత్రానికి సంగీతం: జస్టిన్ ప్రభాకరన్, సినిమాటోగ్రఫీ: దీపక్కుమార్.