Visit:
Mallika Sukumaran | ప్రముఖ మలయాళ నటుడు, దర్శకుడు పృథ్వీరాజ్ సుకుమారన్‌పై ఉద్దేశపూర్వకంగా సైబర్ దాడి జరుగుతోందని ఆయన తల్లి, సీనియర్ నటి మల్లికా సుకుమారన్ ఆరోపించారు. తన కొడుకును ఒక నటుడిగా సినీ పరిశ్రమ నుంచి తొలగించేందుకు (erase) కావాలనే కొందరు కుట్ర పన్నుతున్నారని.. అత‌డి కెరీర్‌ను అంతం చేయాలని కొందరు భావిస్తున్నారని ఆమె తీవ్ర వ్యాఖ్యలు చేశారు.
మలయాళ మీడియాకు ఇచ్చిన ఇంటర్వ్యూలో మల్లికా సుకుమారన్ మాట్లాడుతూ… పృథ్వీరాజ్ సుకుమారన్‌ను లక్ష్యంగా చేసుకుని ఈ సైబర్ దాడి జరుగుతోంది. ఇది అతడిని ఒక నటుడిగా పరిశ్రమ నుంచి తొలగించడానికి ఉద్దేశపూర్వకంగా చేస్తున్న ప్రయత్నం అని నేను భావిస్తున్నాను. పృథ్వీరాజ్ గురించి సోషల్ మీడియాలో నిరంతరం తప్పుడు ప్రచారం జరుగుతుంది. అత‌డి తాజా చిత్రం విలాయత్‌ బుద్ధ’ సినిమా విడుదలకు ముందు ఇలాంటి నెగటివ్ ప్రచారం పెంచడం వెనుక ఒక గ్రూప్ పని చేస్తోందని ఆమె ఆరోపించారు. కేవలం వృత్తిపరంగానే కాకుండా, పృథ్వీరాజ్‌కు వ్యక్తిగత స్థాయిలో ఇబ్బందులు సృష్టించేందుకు కూడా కొందరు ప్రయత్నిస్తున్నారని ఆమె వాపోయారు.
పృథ్వీరాజ్ సుకుమారన్ ప్రధాన పాత్రలో నటించిన చిత్రం ‘విలాయత్‌ బుద్ధ’. జయన్‌ నంబియార్‌ దర్శకత్వంలో యాక్షన్‌ థ్రిల్లర్‌గా ఈ చిత్రం తెరకెక్కింది. నవంబర్‌ 21న ఈ సినిమా ప్రేక్షకుల ముందుకువచ్చింది. అయితే ఈ సినిమా విడుద‌లైన త‌ర్వాత నుంచి పృథ్వీరాజ్‌పై కొంద‌రూ కావాల‌ని టార్గెట్ చేసి కామెంట్లు పెడుతున్న‌ట్లు మ‌ల్లిక ఆరోపించింది.
