నమ్మకం నిజమైంది

మనోజ్‌కుమార్‌ దర్శకత్వంలో శ్రీరామ్‌, రామికా శివు, తపస్విని పూణచ్ఛ ప్రధానపాత్రల్లో నటించిన ఎమోషనల్‌ ప్రేమకథ ‘ప్రేమనే ఊరిలో’. చందు శ్రీనివాస్‌, సురేశ్‌ కొండేటి, మమత దేవేంద్ర.ఎం కలిసి ఈ చిత్రాన్ని తెలుగులో విడుదల చేశారు. ఇటీవల విడుదలైన ఈ సినిమా థియేటర్లలో ప్రదర్శితమవుతున్నది. ఈ సందర్భంగా ఈ సినిమా సక్సెస్‌మీట్‌ని నిర్వహించారు.

డైలాగ్‌ కింగ్‌ సాయికుమార్‌ ఈ కార్యక్రమానికి అతిథిగా విచ్చేసి చిత్రబృందానికి శుభాకాంక్షలు అందించారు. మంచి అనుభూతిని పంచే సినిమా ఇదని, ఇందులోని పాత్రలను చూసి తమ జీవితాల్లోనూ అలాంటి వాళ్లుంటే బాగుండునని అంతా అనుకుంటున్నారని హీరోహీరోయిన్లు శ్రీరామ్‌, తపస్విని పూనాచ అన్నారు. ఈ సినిమా కుటుంబ ప్రేక్షకులకు కనెక్ట్‌ అవుతుందని ముందునుంచీ నమ్మకంతో ఉన్నామని, మా నమ్మకాన్ని ఈ సినిమా నిజం చేసిందని నిర్మాతలు ఆనందం వెలిబుచ్చారు.