Prathinidhi-2 Movie | టాలీవుడ్ హీరో నారా రోహిత్ గురించి ప్రత్యేక పరిచయం అక్కర్లేదు. సోలో, ప్రతినిధి, రౌడీ ఫేల్లో, అసుర వంటి కంటెంట్ ఓరియెంటెడ్ సినిమాలు తీసి జనాల్లో మంచి గుర్తింపు సంపాదించాడు. చివరగా ఆయన ఐదేళ్ల కిందట వచ్చిన వీర భోగ వసంత రాయలు సినిమాలో కనిపించాడు. ఆ తరువాత మళ్లీ కెమెరా ముందుకు రాలేదు. అయితే చాలా రోజుల తర్వాత ఆయన నటిస్తున్న తాజా చిత్రం ‘ప్రతినిధి 2’. తొమ్మిదేళ్ల కిందట ఆయన హీరోగా చేసిన ప్రతినిధి సినిమాకు సీక్వెల్గా ఈ సినిమా వస్తుంది. సీనియర్ జర్నలిస్ట్ మూర్తి ఈ సినిమాకు దర్శకత్వం వహిస్తుండగా.. ఏప్రిల్ 25న ఈ చిత్రం ప్రేక్షకుల ముందుకురానుంది. ఇక విడుదల తేదీ దగ్గరపడుతుండటంతో మూవీ నుంచి మేకర్స్ ట్రైలర్ విడుదల చేశారు.
ఇక ఈ ట్రైలర్ చూస్తే.. పొలిటికల్ బ్యాక్డ్రాప్లో మూవీ రానున్నట్లు తెలుస్తుంది. ఇక ఈ చిత్రంలో నారా రోహిత్ సమకాలీన రాజకీయాలపై ప్రశ్నలు సంధించే జర్నలిస్ట్ పాత్రలో అలరించనున్నాడు. వానరా ఎంటర్టైన్మెంట్స్ & రానా ఆర్ట్స్ బ్యానర్లపై కుమార్ రజా బత్తుల, ఆంజనేయులు శ్రీ తోట, సురేంద్రనాథ్ బొల్లినేని ఈ సినిమాను నిర్మిస్తున్నారు.