Tharun Bhascker | ప్రదీప్ రంగనాథన్ నిర్మాతగా తరుణ్ భాస్కర్ క్రేజీ ఎంట‌ర్‌టైన‌ర్‌!

Tharun Bhascker | టాలీవుడ్ మరియు కోలీవుడ్‌లో తనదైన నటనతో విశేష ప్రేక్షకాదరణ పొందిన యువ నటుడు ప్రదీప్ రంగనాథన్ ఇప్పుడు నిర్మాతగా కొత్త ప్రయాణాన్ని మొదలుపెట్టనున్నారు.

Tharun Bhascker | టాలీవుడ్ మరియు కోలీవుడ్‌లో తనదైన నటనతో విశేష ప్రేక్షకాదరణ పొందిన యువ నటుడు ప్రదీప్ రంగనాథన్ ఇప్పుడు నిర్మాతగా కొత్త ప్రయాణాన్ని మొదలుపెట్టనున్నారు. తన సొంత ప్రొడక్షన్ హౌస్‌లో తెరకెక్కనున్న ఈ ప్రతిష్టాత్మక చిత్రానికి సంబంధించిన లేటెస్ట్ అప్‌డేట్ సినీ వర్గాల్లో తీవ్ర చర్చనీయాంశమైంది.

అందిన సమాచారం ప్రకారం.. ఈ సినిమాలో ముందుగా ఓ కీలక పాత్ర కోసం ప్రముఖ డైరెక్టర్ అశ్వత్ మారిముత్తును అనుకున్నారు. అయితే కొన్ని మార్పుల కారణంగా ఆయన స్థానంలో టాలెంటెడ్ డైరెక్టర్ కమ్ యాక్టర్ తరుణ్ భాస్కర్ ఎంపికయిన‌ట్లు తెలుస్తుంది. తరుణ్ భాస్కర్ ఈ చిత్రంలో ఒక వైవిధ్యమైన పాత్రలో కనిపించనున్నట్లు స‌మాచారం.

మహిళా ప్రాధాన్యత ఉన్న ఈ సరికొత్త కథాంశంతో రూపొందుతున్న చిత్రంలో మమితా బైజు కథానాయికగా నటిస్తున్నారు. నటుడిగానే కాకుండా నిర్మాతగా కూడా సత్తా చాటేందుకు సిద్ధమవుతున్న ప్రదీప్ రంగనాథన్ ప్రాజెక్ట్‌పై అభిమానుల్లో భారీ అంచనాలు నెలకొన్నాయి. ఈ సినిమాకు సంబంధించిన అధికారిక ప్రకటన త్వరలోనే వెలువడే అవకాశం ఉంది.