దసరా దర్శకుడితో..

అగ్ర హీరో ప్రభాస్‌ ప్రస్తుతం వరుస సినిమాలతో బిజీగా ఉన్నారు. ‘సలార్‌' షూటింగ్‌ పూర్తి చేసుకొని డిసెంబర్‌ 22న విడుదలకు సిద్ధమవుతున్నది.

అగ్ర హీరో ప్రభాస్‌ ప్రస్తుతం వరుస సినిమాలతో బిజీగా ఉన్నారు. ‘సలార్‌’ షూటింగ్‌ పూర్తి చేసుకొని డిసెంబర్‌ 22న విడుదలకు సిద్ధమవుతున్నది. ‘కల్కీ’తో పాటు మారుతి దర్శకత్వంలో తెరకెక్కుతున్న సినిమా షూటింగ్స్‌ సమాంతరంగా సాగుతున్నాయి. సందీప్‌ రెడ్డి వంగా డైరెక్షన్‌లో ‘స్పిరిట్‌’ చిత్రం వచ్చే ఏడాది సెట్స్‌మీదకు వెళ్లనుంది.

ఈ బిజీ లైనప్‌లో కూడా ప్రభాస్‌ ఓ కొత్త సినిమా ఓకే చేశారని సినీ వర్గాల్లో వినిపిస్తున్నది. ‘దసరా’ ఫేమ్‌ శ్రీకాంత్‌ ఓదెల దర్శకత్వంలో ప్రభాస్‌ ఓ చిత్రానికి గ్రీన్‌ సిగ్నల్‌ ఇచ్చారని సమాచారం. ఓ యధార్థ సంఘటన నేపథ్యంలో మాస్‌ యాక్షన్‌ ఎంటర్‌టైనర్‌గా ఈ చిత్రాన్ని తెరకెక్కించబోతున్నారని తెలిసింది.

కథలోని హై ఇంటెన్సిటీ యాక్షన్‌, ఎమోషన్స్‌ నచ్చడంతో ప్రభాస్‌ ఈ సినిమాకు అంగీకరించారని అంటున్నారు. అయితే ఈ వార్తల్లో నిజమెంతో తెలియాలంటే అధికారిక ప్రకటన రావాల్సిందే.