Visit:
అగ్ర కథానాయకుడు ప్రభాస్‌ నటిస్తున్న మోస్ట్‌ అవేటెడ్‌ రొమాంటిక్‌ కామెడీ హారర్‌ మూవీ ‘ది రాజాసాబ్‌’. మారుతి దర్శకత్వం వహిస్తున్న ఈ చిత్రాన్ని పీపుల్‌ మీడియా ఫ్యాక్టరీ పతాకంపై టిజీ విశ్వప్రసాద్‌, కృతి ప్రసాద్‌ కలిసి నిర్మిస్తున్నారు. సంక్రాంతి కానుకగా సినిమా విడుదల కానుంది. ఈ సందర్భంగా ప్రమోషన్స్‌ని వేగవంతం చేశారు. ఇందులో భాగంగా నేటి సాయంత్రం 6 గంటలకు ఈ సినిమా ట్రైలర్‌ని విడుదల చేయనున్నారు.
ఈ విషయాన్ని ఆదివారం ఓ ప్రకటన ద్వారా మేకర్స్‌ తెలియజేశారు. ప్రభాస్‌ అభిమానులతోపాటు మూవీ లవర్స్‌ అందరూ అనందించేలా ఈ ట్రైలర్‌ ఉండబోతున్నదని వారు ప్రకటనలో పేర్కొన్నారు. ఈ సందర్భంగా విడుదల చేసిన పోస్టర్‌లో ప్రభాస్‌, సంజయ్‌దత్‌ కాంబో స్టిల్‌ ఆసక్తికరంగా ఉంది.
‘కామెడీ హారర్‌ జానర్‌లో ప్రభాస్‌ నటించడం ఇదే ప్రథమం. దర్శకుడు మారుతి తనదైన శైలిలో జనరంజకంగా ఈ సినిమాను తెరకెక్కిస్తున్నారు. ఎవర్‌గ్రీన్‌ సినిమాటిక్‌ ఎక్స్‌పీరియన్స్‌ ఇచ్చే సినిమా ఇది.’ అని మేకర్స్‌ తెలిపారు. నిధి అగర్వాల్‌, మాళవిక మోహనన్‌, రిద్ది కుమార్‌ కథానాయికలుగా నటిస్తున్న ఈ చిత్రానికి కెమెరా: కార్తీక్‌ పళని, సంగీతం: తమన్‌, సహ నిర్మాత: వివేక్‌ కూచిభొట్ల.
