Prabhas | ప్రభాస్‌ బర్త్‌డే కానుక.. 23న ఈశ్వర్‌ రీరిలీజ్‌

ప్రభాస్‌ హీరోగా తెరంగేట్రం చేసిన చిత్రం ‘ఈశ్వర్‌'. 22ఏండ్ల క్రితం విడుదలైన ఈ చిత్రం మాస్‌ హీరోగా ప్రభాస్‌కి గొప్ప ప్రారంభాన్ని ఇచ్చింది. జయంత్‌ సి.పరాంజీ ప్రభాస్‌లోని మాస్‌ యాంగిల్‌ని తొలి సినిమాతోనే అద్భుతంగా ఆవిష్కరించారు. కె.అశోక్‌కుమార్‌ నిర్మాత.

Prabhas | ప్రభాస్‌ హీరోగా తెరంగేట్రం చేసిన చిత్రం ‘ఈశ్వర్‌’. 22ఏండ్ల క్రితం విడుదలైన ఈ చిత్రం మాస్‌ హీరోగా ప్రభాస్‌కి గొప్ప ప్రారంభాన్ని ఇచ్చింది. జయంత్‌ సి.పరాంజీ ప్రభాస్‌లోని మాస్‌ యాంగిల్‌ని తొలి సినిమాతోనే అద్భుతంగా ఆవిష్కరించారు. కె.అశోక్‌కుమార్‌ నిర్మాత. ఈ నెల 23న ప్రభాస్‌ పుట్టిన రోజు సందర్భంగా ‘ఈశ్వర్‌’ చిత్రం గ్రాండ్‌గా రీరిలీజ్‌ కానుంది. ఈ నేపథ్యంలో ఈ మూవీ ట్రైలర్‌ని కొత్తగా కట్‌ చేసి రిలీజ్‌ చేశారు. ‘రీ ఇంట్రడ్యూసింగ్‌ ప్రభాస్‌’ అంటూ వదిలిన ‘ఈశ్వర్‌’ ట్రైలర్‌ ఇప్పడు అందర్నీ ఆకట్టుకుంటున్నదని చిత్రాన్ని విడుదల చేస్తున్న లక్ష్మీ నరసింహా మూవీస్‌ వారు ఆనందం వెలిబుచ్చారు. ప్రభాస్‌ పుట్టిన రోజు సందర్భంగా అభిమానులకు మేం ఇస్తున్న కానుక ‘ఈశ్వర్‌’ రీరిలీజ్‌ అని వారు అన్నారు.