తమిళ దర్శకుడితో సినిమా

‘విక్రమ్‌'తో దర్శకుడు లోకేశ్‌ కనకరాజ్‌ పాన్‌ ఇండియా దర్శకుడైపోయాడు. ఆయన దర్శకత్వంలో విజయ్‌ హీరోగా రూపొందిన ‘లియో’ చిత్రం ఈ నెల 19న ప్రపంచవ్యాప్తంగా విడుదల కానుంది. మరి ‘లియో’ తర్వాత లోకేశ్‌ చేసే సినిమా ఏమిటి?

‘విక్రమ్‌’తో దర్శకుడు లోకేశ్‌ కనకరాజ్‌ పాన్‌ ఇండియా దర్శకుడైపోయాడు. ఆయన దర్శకత్వంలో విజయ్‌ హీరోగా రూపొందిన ‘లియో’ చిత్రం ఈ నెల 19న ప్రపంచవ్యాప్తంగా విడుదల కానుంది. మరి ‘లియో’ తర్వాత లోకేశ్‌ చేసే సినిమా ఏమిటి? ఏ హీరోతో చేస్తాడు? అనే విషయాలపై చాలామంది పేర్లు వినిపించాయి. అయితే ఎట్టకేలకు ‘లియో’ తర్వాత లోకేశ్‌ కనకరాజ్‌ చేసే సినిమాపై ఓ క్లారిటీ వచ్చేసింది.

నెక్ట్స్‌ ఆయన ప్రభాస్‌తో సినిమా చేయనున్నారని సమాచారం. ఓ ప్రముఖ నిర్మాణసంస్థ ఈ సినిమా నిర్మించనున్నదట. ప్రస్తుతం ప్రభాస్‌ సలార్‌, కల్కీ 2898 సినిమా షూటింగ్స్‌లో బిజీగా ఉన్నారు. మారుతి దర్శకత్వం వహిస్తున్న సినిమా షూటింగ్‌ జరుగుతున్నది. ఆ తర్వాత సందీప్‌ రెడ్డి దర్శకత్వంలో ‘స్పిరిట్‌’లో నటించనున్నారు. ఆ తర్వాతే లోకేశ్‌ కనకరాజ్‌ సినిమా సెట్స్‌పైకి వెళ్లనుంది.