Visit:
Prabhas | ప్రస్తుతం ‘ది రాజాసాబ్‌’ ‘ఫౌజీ’ చిత్రాల షూటింగ్స్‌తో బిజీగా ఉన్నారు ప్రభాస్‌. వీటి తర్వాత సందీప్‌రెడ్డి వంగా దర్శకత్వంలో తెరకెక్కనున్న ‘స్పిరిట్‌’ షూటింగ్‌లో జాయిన్‌ కాబోతున్నారు. ఈ సినిమా ఫిబ్రవరిలోనే మొదలవుతుందని వార్తలొచ్చాయి. తాజా సమాచారం ప్రకారం మేలో సెట్స్‌మీదకెళ్లనుందని తెలిసింది. ప్రస్తుతం ప్రీప్రొడక్షన్‌ పనులను పూర్తి చేసే పనిలో దర్శకుడు సందీప్‌రెడ్డి వంగా బిజీగా ఉన్నారని చెబుతున్నారు.
ఈ సినిమాలో ప్రభాస్‌ పవర్‌ఫుల్‌ పోలీస్‌ పాత్రలో కనిపించనున్నారు. పోలీస్‌ జానర్‌ చిత్రాల్లో ఇప్పటివరకు రాని వినూత్నమై కాన్సెప్ట్‌తో దర్శకుడు సందీప్‌రెడ్డి వంగా స్క్రిప్ట్‌ను సిద్ధం చేస్తున్నారని తెలిసింది. ఈ సినిమా కోసం ప్రభాస్‌ ఇంటెన్స్‌ ఫిజికల్‌ ట్రెయినింగ్‌ తీసుకుంటున్నారట. పోలీస్‌ పాత్రలో మరింత స్లిమ్‌గా, ఫిట్‌గా కనిపించేందుకు దర్శకుడు సందీప్‌రెడ్డి వంగా సూచనల మేరకు పూర్తి మేకోవర్‌కు సిద్ధమవుతున్నారట.
పోలీస్‌ కథలకు సరికొత్త నిర్వచనంలా ఈ సినిమా ఉంటుందని చిత్ర వర్గాలు ధీమా వ్యక్తం చేస్తున్నాయి. ఈ సినిమా కోసం ప్రభాస్‌ బల్క్‌ డేట్స్‌ కేటాయించారని, వచ్చే ఏడాది ద్వితీయార్థంలో ఈ సినిమా విడుదలకానుంది సమాచారం.
