Rangabali Movie | రంగబలి.. రంగుపడింది.. నాగశౌర్యకు ఈ సారి కూడా పెద్ద దెబ్బే..

Naga Shaurya | ఛలో తర్వాత ఆ రేంజ్‌ హిట్టు కోసం ఐదేళ్లుగా పరితపిస్తున్నాడు నాగశౌర్య. కొత్త జానర్‌లలో సినిమాలు ట్రై చేస్తున్న నాగశౌర్యకు అస్సలు కలిసి రావడం లేదు. ఒకటి కాదు, రెండు కాదు ఛలో తర్వాత ఏకంగా ఎనిమిది ఫ్లాపులు.

Naga Shaurya | ఛలో తర్వాత ఆ రేంజ్‌ హిట్టు కోసం ఐదేళ్లుగా పరితపిస్తున్నాడు నాగశౌర్య. కొత్త జానర్‌లలో సినిమాలు ట్రై చేస్తున్న నాగశౌర్యకు అస్సలు కలిసి రావడం లేదు. ఒకటి కాదు, రెండు కాదు ఛలో తర్వాత ఏకంగా ఎనిమిది ఫ్లాపులు. మధ్యలో స్వయంగా కథ రాసుకుని తీసిన అశ్వథామ పర్వాలేదనిపించినా.. కమర్షియల్‌గా సేఫ్‌ కాలేకపోయింది. ఇక ఛలో తర్వాత ఆ రేంజ్‌లో టీజర్, ట్రైలర్‌లతో మెప్పించిన సినిమా అంటే అది రంగబలి సినిమానే. ముందు నుంచి ఈ సినిమాపై జానాల్లో మంచి ఆసక్తి నెలకొంది. పైగా ప్రమోషన్‌లు గట్రా బాగానే ప్లాన్‌ చేయడంతో జానాల్లో బాగానే రిజిస్టర్‌ అయింది.

సినిమా మీదున్న నమ్మకంతో ముందు రోజు నుంచే ఈ సినిమాకు ప్రీమియర్‌లు వేశారు. పైగా నాగశౌర్య సైతం ఈ సినిమా హిట్టు, సూపర్‌ హిట్టు కాదు ఖచ్చితంగా బ్లాక్‌బస్టర్‌ అవుతుందని స్టేట్‌మెంట్‌ ఇచ్చాడు. అంతేకాకుండా నిర్మాతకు కూడా ఈ సినిమా బోలెడు లాభాలు తెచ్చిపెడుతుందని చెప్పాడు. కాగా తీరా ప్రీమియర్‌ షో చూశాక ఆడియెన్స్‌ రెస్పాన్స్‌ నెగెటీవ్‌గా వచ్చింది. తొలిభాగం కామెడీతో గట్టెక్కిన.. మలిభాగం మాత్రం బోర్ కొట్టిచ్చిందని రివ్యూలు ఇచ్చేశారు. దాంతో ఈ సినిమా కలెక్షన్‌లకు పెద్ద దెబ్బ పడింది. తొలిరోజు కోటి రూపాయల రేంజ్‌లో కూడా కలెక్షన్‌లు రాలేదని ట్రేడ్‌ నిపుణులు చెబుతున్నారు.

రంగబలికి ఈ వీకెండ్ చాలా కీలకం కానుంది. శని ఆదివారాలు వీలైనంత రాబట్టుకుంటే బయ్యర్లు బ్రేక్ ఈవెన్‌కు దగ్గరవుతారు. కానీ తొలిరోజు కలెక్షన్‌లే ఫుల్ డిసప్పాయింట్‌ చేశాయి. ఈ లెక్కన రంగబలి సినిమా గట్టెక్కాలంటే గట్టి ప్రయత్నాలే చేయాల్సి ఉంటుంది. పైగా వచ్చేవారం బేబి, మాహవీరుడు, నాయుకుడు వంటి సినిమాలు పోటీకి రాబోతున్నాయి. ఈలోపే ఈ సినిమా బ్రేక్‌ ఈవెన్‌ కంప్లీట్‌ చేసుకుంటే బెటర్‌. లేదంటే నాగశౌర్య ఖాతాలో మరో ఫ్లాప్‌ చేరినట్లే.