జోస్యం ఫలించింది!

తమిళనాడు అసెంబ్లీ ఎన్నికల్లో దళపతి విజయ్‌ స్థాపించిన టీవీకే పార్టీ సరికొత్త చరిత్ర సృష్టించిన విషయం తెలిసిందే. అందరి అంచనాల్ని తలక్రిందులు చేస్తూ అతిపెద్ద పార్టీగా అవతరించడంతో సినీ ప్రముఖుల నుంచి దళపతి విజయ్‌కి శుభాకాంక్షలు వెల్లువెత్తుతున్నాయి.

తమిళనాడు అసెంబ్లీ ఎన్నికల్లో దళపతి విజయ్‌ స్థాపించిన టీవీకే పార్టీ సరికొత్త చరిత్ర సృష్టించిన విషయం తెలిసిందే. అందరి అంచనాల్ని తలక్రిందులు చేస్తూ అతిపెద్ద పార్టీగా అవతరించడంతో సినీ ప్రముఖుల నుంచి దళపతి విజయ్‌కి శుభాకాంక్షలు వెల్లువెత్తుతున్నాయి. ఈ నేపథ్యంలో అగ్ర కథానాయిక పూజాహెగ్డే ఇన్‌స్టాగ్రామ్‌లో షేర్‌ చేసిన ఓ వీడియో వైరల్‌గా మారింది. త్వరలో విడుదల కాబోతున్న విజయ్‌ ‘జన నాయగన్‌’ చిత్రంలో పూజాహెగ్డే కథానాయికగా నటించిన విషయం తెలిసిందే. ఈ సినిమా షూటింగ్‌ టైమ్‌లో తీసుకున్న ఓ సరదా వీడియోను పూజాహెగ్డే ఇన్‌స్టాగ్రామ్‌లో పంచుకుంది.

ఇందులో ఆమె ఓ వైట్‌ బోర్డ్‌ మీద ‘వచ్చే ఎన్నికల్లో ఎవరు గెలుస్తారు?’ అనే క్యాప్షన్‌ను రాసి దానిని పక్కనే ఉన్న విజయ్‌కి చూపిస్తూ సరదాగా కనిపిస్తున్నది. ఈ వీడియోను షేర్‌ చేసిన పూజాహెగ్డే ‘నేను ఈ విజయాన్ని ముందే ఊహించాను. కలలు నిజం కావడం చాలా ఆనందంగా ఉంది విజయ్‌ సార్‌’ అంటూ వ్యాఖ్యానించింది. ప్రస్తుతం ఈ వీడియో సోషల్‌మీడియాలో వైరల్‌గా మారింది. పూజాహెగ్డే జోస్యం ఫలించిందంటూ నెటిజన్లు కామెంట్లు పెడుతున్నారు.