PS-2 | ప్రమోషన్లలో స్పీడ్‌ పెంచిన పొన్నియన్‌ సెల్వన్‌-2 టీమ్

Ponniyin selvan-2 Movie | మోస్ట్‌ యాంటిసిపేటెడ్‌ సీక్వెల్స్‌లో ‘పొన్నియన్‌ సెల్వన్‌-2’ ఒకటి. మణిరత్నం దర్శకత్వం వహించిన ఈ సినిమా ఏప్రిల్‌ 28న ప్రేక్షకులు ముందుకు రానుంది. ఇక గతేడాది సెప్టెంబర్‌ చివరివారంలో రిలీజైన పార్ట్‌-1 ఎంత పెద్ద సంచలనం సృష్టించిందో ప్రత్యేకించి చెప్పనవసరం లేదు.

Ponniyin selvan-2 Movie | మోస్ట్‌ యాంటిసిపేటెడ్‌ సీక్వెల్స్‌లో ‘పొన్నియన్‌ సెల్వన్‌-2’ ఒకటి. మణిరత్నం దర్శకత్వం వహించిన ఈ సినిమా ఏప్రిల్‌ 28న ప్రేక్షకులు ముందుకు రానుంది. ఇక గతేడాది సెప్టెంబర్‌ చివరివారంలో రిలీజైన పార్ట్‌-1 ఎంత పెద్ద సంచలనం సృష్టించిందో ప్రత్యేకించి చెప్పనవసరం లేదు. తమిళనాట కాసుల వర్షం కురిపించింది. డిస్ట్రిబ్యూటర్‌లకు కళ్లు చెదిరే లాభాలు తీసుకొచ్చింది. అయితే మిగితా భాషల్లో మాత్రం బోటా బోటీ మార్కులతోనే సరిపెట్టుకుంది. ఇక ఇదిలా ఉంటే ఈ సీక్వెల్‌పై కోలీవుడ్‌లో యమ క్రేజ్‌ ఉంది. ఈ సినిమా మరో వారం రోజుల్లో రిలీజ్‌ కానుంది. ఇక ఇప్పటికే బుకింగ్స్‌ ఓపెనవగా.. టిక్కెట్‌లు హాట్‌ కేకుల్లా అమ్ముడవుతున్నాయి.

ఇక ఇదిలా ఉంటే ఈ సినిమా ప్రమోషన్‌లు జోరుగా జరుపుతున్నారు. విక్రమ్‌, కార్తి, త్రిష, జయం రవి, ఐశ్వర్య లక్ష్మీ ఇలా సినిమాలోని ప్రధాన తారాగణం ప్రమోషన్‌లలో జోరుగా పాల్గొంటున్నారు. ఇప్పటికే ఈ సినిమాపై తమిళంలో ఓ రేంజ్‌ అంచనాలు ఉన్నాయి. ఇక తెలుగులోనూ మరో రెండు, మూడు రోజుల్లో ప్రమోషన్‌లు జరుపనున్నట్లు తెలుస్తుంది. అయితే తెలుగులో ఈ సినిమాపై అంతగా బజ్‌ లేదు. తొలిపార్టు కూడా ఇక్కడ బ్రేక్‌ ఈవెన్‌ కాలేదు.  తెలుగులో ప్రీ రిలీజ్‌లు గట్రా గ్రాండ్‌గా ప్లాన్‌ చేస్తే కాస్తో కూస్తో బజ్‌ ఏర్పడే చాన్స్‌ ఉంది.

హిస్టారికల్ యాక్షన్ డ్రామా నేపథ్యంలో తెరకెక్కుతున్న ఈ సినిమాను మణిరత్నం కల్కి కృష్ణమూర్తి రాసిన ‘పొన్నియన్‌ సెల్వన్‌’ నవల ఆధారంగా తెరకెక్కించాడు. ఏ.ఆర్‌ రెహమాన్‌ సంగీతం అందించిన ఈ చిత్రాన్ని లైకా ప్రొడక్షన్స్‌తో కలిసి మ్రదాస్‌ టాకీస్‌ బ్యానర్‌పై మణిరత్నం స్వీయ నిర్మాణంలో తెరకెక్కించాడు.