Jabardasth Comedian | జబర్దస్త్‌ నటుడు నవసందీప్‌ అరెస్ట్‌

Jabardasth Comedian | యువతిని ప్రేమ పేరుతో మభ్యపెట్టి.. పెళ్లి చేసుకుంటానని నమ్మించి మోసం చేసిన జబర్దస్త్‌ ఫేమ్‌ నటుడు నవసందీప్‌ను పోలీసులు అరెస్టు చేశారు.

Jabardasth Comedian |  వెంగళరావునగర్‌, ఆగస్టు 24 : యువతిని ప్రేమ పేరుతో మభ్యపెట్టి.. పెళ్లి చేసుకుంటానని నమ్మించి మోసం చేసిన జబర్దస్త్‌ ఫేమ్‌ నటుడు నవసందీప్‌ను పోలీసులు అరెస్టు చేశారు. మధురానగర్‌ పోలీసుల కథనం ప్రకారం.. జబర్దస్త్‌ నటుడు నవసందీప్‌ 2018లో ఓ యువతి (28)ని వాట్సాప్‌ చాటింగ్‌ ద్వారా పరిచయం చేసుకున్నాడు. ప్రేమ పేరుతో కబుర్లు చెప్పి ఆమెకు దగ్గరయ్యాడు. ఆమెను ఊరి నుంచి హైదరాబాద్‌కు రప్పించాడు.

షేక్‌పేటలోని అల్‌ హమారా కాలనీలోని ఓ హాస్టల్లో నాలుగేళ్లుగా ఉంటున్నది. ఈ క్రమంలో సందీప్‌ ఆ యువతిని పెండ్లి పేరుతో నమ్మించి కోరిక తీర్చుకున్నాడు. ఆ తర్వాత పెండ్లి విషయం ప్రస్తావించడంతో నిరాకరించాడు. తాను వేరే యువతిని పెళ్లి చేసుకుంటున్నానని చెప్పాడు. తాను మోసపోయానని గ్రహించిన బాధిత యువతి తొలుత గోల్కొండ పోలీసులకు ఫిర్యాదు చేసింది. జీరో ఎఫ్‌ఐఆర్‌ నమోదు చేసిన గోల్కొండ పోలీసులు.. ఆ కేసును మధురానగర్‌ పోలీసు స్టేషన్‌కు బదిలీ చేశారు. కేసు దర్యాప్తు చేపట్టిన మధురానగర్‌ పోలీసులు నిందితుడు నవసందీప్‌ను అరెస్టు చేసి, రిమాండ్‌కు తరలించారు.