Peddi | ‘పెద్ది’ ఓటీటీ రిలీజ్‌పై కొత్త ట్విస్ట్.. జూలై 2న రావ‌డం లేదా?

Peddi | మెగా పవర్ స్టార్ రామ్ చరణ్ హీరోగా దర్శకుడు బుచ్చిబాబు సాన తెరకెక్కించిన 'పెద్ది' చిత్రం బాక్సాఫీస్ వద్ద ఘన విజయాన్ని అందుకుంది. గ్రామీణ నేపథ్యంలోని స్పోర్ట్స్ డ్రామాగా రూపొందిన ఈ సినిమా ప్రేక్షకులను విశేషంగా ఆకట్టుకుని భారీ వసూళ్లు రాబట్టింది. థియేటర్లలో విజయవంతమైన ప్రదర్శన తర్వాత ఇప్పుడు ఈ సినిమా ఓటీటీ విడుదలపై ఆసక్తికరమైన ప్రచారం సోషల్ మీడియాలో వైరల్ అవుతోంది.

Peddi | మెగా పవర్ స్టార్ రామ్ చరణ్ హీరోగా దర్శకుడు బుచ్చిబాబు సాన తెరకెక్కించిన ‘పెద్ది’ చిత్రం బాక్సాఫీస్ వద్ద ఘన విజయాన్ని అందుకుంది. గ్రామీణ నేపథ్యంలోని స్పోర్ట్స్ డ్రామాగా రూపొందిన ఈ సినిమా ప్రేక్షకులను విశేషంగా ఆకట్టుకుని భారీ వసూళ్లు రాబట్టింది. థియేటర్లలో విజయవంతమైన ప్రదర్శన తర్వాత ఇప్పుడు ఈ సినిమా ఓటీటీ విడుదలపై ఆసక్తికరమైన ప్రచారం సోషల్ మీడియాలో వైరల్ అవుతోంది. థియేటర్లలో మంచి స్పందన దక్కించుకున్న ‘పెద్ది’ని ఓటీటీలో ఎప్పుడు చూడొచ్చా అని సినీ అభిమానులు ఆసక్తిగా ఎదురుచూస్తున్నారు. ముఖ్యంగా రామ్ చరణ్ నటన, బుచ్చిబాబు సాన ఎమోషనల్ టేకింగ్‌ను మరోసారి ఆస్వాదించాలని అభిమానులు భావిస్తున్నారు.

‘పెద్ది’ డిజిటల్ స్ట్రీమింగ్ హక్కులను ప్రముఖ ఓటీటీ సంస్థ నెట్‌ఫ్లిక్స్ సొంతం చేసుకున్న సంగతి తెలిసిందే. గత కొన్ని రోజులుగా ఈ సినిమా జూలై 2, 2026 నుంచి స్ట్రీమింగ్‌కు అందుబాటులోకి వస్తుందనే వార్తలు ప్రచారంలోకి వచ్చాయి. సినిమా జూన్ 4న థియేటర్లలో విడుదల కావడంతో నాలుగు వారాల తర్వాత ఓటీటీలోకి వస్తుందని భావించారు. అయితే తాజా సమాచారం ప్రకారం ఈ డిజిటల్ విడుదలను మరో రెండు వారాలు వాయిదా వేసినట్లు ప్రచారం జరుగుతోంది. ఈ నేపథ్యంలో జూలై 16, 2026న ‘పెద్ది’ని నెట్‌ఫ్లిక్స్‌లో విడుదల చేసే అవకాశాలు ఉన్నాయని సినీ వర్గాల్లో చర్చ నడుస్తోంది.

అయితే జూలై 2 లేదా జూలై 16 విడుదల తేదీలపై ఇప్పటివరకు నెట్‌ఫ్లిక్స్ గానీ, చిత్ర నిర్మాణ సంస్థ గానీ ఎలాంటి అధికారిక ప్రకటన చేయలేదు. కాబట్టి ప్రస్తుతం వినిపిస్తున్న తేదీలు కేవలం ప్రచారం మాత్రమే. ఓటీటీ విడుదలపై స్పష్టత రావాలంటే మేకర్స్ లేదా స్ట్రీమింగ్ సంస్థ నుంచి అధికారిక ప్రకటన వచ్చే వరకు వేచి చూడాల్సి ఉంటుంది. మరోవైపు, ఈ సినిమా హిందీ వెర్షన్ జూలై 30న ప్రత్యేకంగా డిజిటల్ స్ట్రీమింగ్ కానుందనే వార్తలు కూడా సోషల్ మీడియాలో చక్కర్లు కొడుతున్నాయి. అయితే దీనిపై కూడా అధికారిక ధృవీకరణ లేదు. ‘పెద్ది’ చిత్రంలో రామ్ చరణ్‌తో పాటు కన్నడ స్టార్ శివ రాజ్‌కుమార్, దివ్యేందు శర్మ, జగపతి బాబు, బోమన్ ఇరానీ తదితరులు కీలక పాత్రల్లో నటించారు. భారీ నిర్మాణ విలువలతో తెరకెక్కిన ఈ సినిమాకు ఆస్కార్ విజేత ఏఆర్ రెహమాన్ సంగీతం అందించగా, పాటలు, బ్యాక్‌గ్రౌండ్ స్కోర్ ప్రేక్షకులను విశేషంగా ఆకట్టుకున్నాయి.