Tholi Prema Movie Re-Release | టాలీవుడ్ ప్రేమకథల్లో టైమ్ లెస్ క్లాసిక్గా చెప్పుకునే సినిమా ‘తొలిప్రేమ’. పాతిక వసంతాలు పూర్తి చేసుకున్న ఈ సినిమా పవన్ కళ్యాణ్ కెరీర్లో ఓ మైలు రాయిగా నిలిచిపోయింది. అప్పటికే మూడు బ్యాక్ టు బ్యాక్ హిట్లో మంచి ఫామ్లో ఉన్న పవన్కు ఈ సినిమా తిరుగులేని స్టార్డమ్ తెచ్చిపెట్టింది. పేరుకు ప్రేమకథే అయినా.. బాక్సాఫీస్ దగ్గర మాత్రం మాస్ నంబర్స్ క్రియేట్ చేసింది. ఏ కరుణాకరన్ దర్శకత్వ ప్రతిభను మెచ్చుకోని వారుండరు. హీరోయిన్ ఇంట్రడక్షన్ సీన్, పవన్-కీర్తికు మధ్య వచ్చే సీన్స్, ప్రేక్షకులను ఎమోషనల్ చేసిన క్లైమాక్స్, విజిల్స్ వేయించిన పాటలు, సిస్టర్ సెంటిమెంట్ ఇలా సినిమాలో ప్రతీది ప్రేక్షకులను విపరీతంగా ఆకట్టుకున్నాయి.
అప్పట్లోనే ఈ సినిమా తొమ్మిది కోట్ల షేర్ను సాధించి అల్టైమ్ రికార్డు సృష్టిచింది. కాగా ఈ సినిమా వచ్చి పాతికేళ్లయిన సందర్భంగా మరోసారి ప్రేక్షకులకు ఈ ఆల్టైమ్ క్లాసిక్ను చేసేందుకు మేకర్స్ రీ-రిలీజ్ను సిద్ధం చేస్తున్నారు. జూన్ 30న ఈ సినిమా 4K ప్రింట్తో రీ-రిలీజ్ కానుంది. కీర్తి రెడ్డి హీరోయిన్గా నటించిన ఈ సినిమా నేషనల్ అవార్డును గెలుచుకుంది. కాగా ఈ సినిమా ముందుగా అక్కినేని సుమంత్ దగ్గరకు వెళ్లిందట. అయితే పలు కారణాల వల్ల సుమంత్ ఈ కథను వద్దనుకున్నాడని సమాచారం. దాంతో కరుణాకరన్ పవన్కు ఈ కథ వినిపించాడట. పవన్కు కథ నచ్చడంతో ఒక్క సిట్టింగ్లోనే ఓకే అయిపోయిందట. ఈ సినిమాతో కరుణాకరన్ పేరు కూడా టాలీవుడ్లో మార్మోగిపోయింది.