Pawan Kalyan | ఇది నేను కోరుకున్న జీవితం కాదు. భగవంతుడు నాకు ఇచ్చిన జీవితం’ అన్నారు పవన్కల్యాణ్. ఆయన కథానాయకుడిగా నటించిన చిత్రం ‘బ్రో’. రేపు ప్రేక్షకుల ముందుకు రానుంది. ఇటీవల ఈ చిత్రం ప్రీ రిలీజ్ వేడుక జరిగింది. ఈ సందర్భంగా పవన్ కళ్యాణ్ మాట్లాడుతూ ‘నేను నా జీవితాన్ని చాలా సింపుల్గా వుండాలనుకున్నాను. ఒక నటుడు అవ్వాలని, రాజకీయాల్లోకి రావాలని నేనెప్పుడూ ఊహించలేదు. సమాజం నుంచి తీసుకోవడం కాదు, సమాజానికి ఏదైనా ఇవ్వాలి. నేను సినిమా చేసేటప్పుడు అందులో సమాజానికి ఉపయోగపడే ఎంతోకొంత చిన్నపాటి విషయం వుంటే బాగుంటుంది అనుకుంటాను.
ఇది చాలా సంపూర్ణమైన సినిమా. ఇది అందర్ని అలరిస్తుందని భావిస్తున్నాను. సినిమా అంటే నాకు ఇష్టం, సమాజం అంటే బాధ్యత . జూనియర్ ఎన్టీఆర్లా, రామ్చరణ్లా నేను గొప్పగా డ్యాన్సులు చేయలేకపోవచ్చు, ప్రభాస్, రానాలా సంవత్సరాలు కష్టపడి సినిమా చేయలేకపోవచ్చు. అయినా నాకు సినిమా అంటే ప్రేమ.ఈ సినిమా పరిశ్రమ ఏ ఒక్కరికి చెందినది కాదు. మా కుటుంబానికి కూడా చెందినది కాదు. ఇది అందరిదీ. ఈ కోట్లాది మందిలో ఎవరైనా సరే బలంగా అనుకుంటే ఇక్కడ రాణించగలరు.నాకు హీరో అవ్వాలనే ఆలోచన లేదు. అప్పుడు మా వదిన మార్గనిర్ధేశం చేశారు. మా వదిన వల్లే ఈ రోజు ఇలా మీ ముందుకు నటుడిగా వచ్చాను’ అన్నారు.