Siddhu Jonnalagadda | క్రేజీ ప్రాజెక్ట్‌.. పరశురామ్‌ దర్శకత్వంలో సిద్ధూ జొన్నలగడ్డ?

టిల్లూ ఫ్రాంచైజీతో ఒక్కసారిగా స్టార్‌ హీరోల జాబితాలో చేరిపోయాడు సిద్ధూ జొన్నలగడ్డ. ముఖ్యంగా ‘టిల్లూ స్కేర్‌' చిత్రంతో వందకోట్ల హీరోగా అవతరించాడు తను. ప్రస్తుతం బొమ్మరిల్లు భాస్కర్‌ సినిమాతోపాటు నీరజ కోన దర్శకత్వంలో ‘తెలుసుకదా’ అనే సినిమా చేస్తున్నాడు సిద్ధు.

Siddhu Jonnalagadda | టిల్లూ ఫ్రాంచైజీతో ఒక్కసారిగా స్టార్‌ హీరోల జాబితాలో చేరిపోయాడు సిద్ధూ జొన్నలగడ్డ. ముఖ్యంగా ‘టిల్లూ స్కేర్‌’ చిత్రంతో వందకోట్ల హీరోగా అవతరించాడు తను. ప్రస్తుతం బొమ్మరిల్లు భాస్కర్‌ సినిమాతోపాటు నీరజ కోన దర్శకత్వంలో ‘తెలుసుకదా’ అనే సినిమా చేస్తున్నాడు సిద్ధు.వీటి తర్వాత ‘టిల్లూ క్యూబ్‌’ కూడా ఉంటుందని ఆయన ఇండైరెక్ట్‌గా మీడియాకు హింట్‌ కూడా ఇచ్చారు. ఇదిలావుంటే.. సిద్ధూ కథానాయకుడిగా ఓ క్రేజీ ప్రాజెక్ట్‌ పట్టాలెక్కనున్నట్టు ఫిల్మ్‌ సర్కిల్స్‌లో వార్త బలంగా వినిపిస్తున్నది.

ఈ సినిమాకు పరశురామ్‌ దర్శకత్వం వహిస్తారట. దిల్‌రాజు బ్యానర్‌లో ఈ సినిమా రూపొందే అవకాశం ఉన్నట్టు తెలుస్తున్నది. సిద్దుతో ఓ సినిమా చేస్తానని దిల్‌రాజు ఇప్పటికే ప్రకటించి ఉన్నారు. ఆ సినిమా ఇదేనని టాక్‌. ప్రస్తుతం సిద్ధు చేస్తున్న రెండు సినిమాల షూటింగులు పూర్తయ్యాక, ఈ సినిమా సెట్స్‌కి వెళ్తుందట. ఈ సినిమా తర్వాత ‘టిల్లూ క్యూబ్‌’ ఉంటుందని తెలుస్తున్నది.