తెలుగందం సందడిగా..

‘పెళ్లిసందడి’ చిత్రంతో టాలీవుడ్‌లోకి అరంగేట్రం చేసింది అచ్చ తెలుగందం శ్రీలీలా. నాజూకు సొగసులతో అలరారే ఈ భామ తొలి చిత్రంతోనే యువతరంలో మంచి ఫాలోయింగ్‌ను సంపాదించుకుంది. ప్రస్తుతం ఈ అమ్మడికి అవకాశాలు వెల్లువెత్తున్నాయి. బుధవారం ఈ భామ పుట్టిన రోజు. ఈ సందర్భంగా ఆమె నటిస్తున్న తాజా సినిమాల తాలూకు పోస్టర్స్‌ను విడుదల చేశారు. రవితేజ సరసన శ్రీలీల కథానాయికగా నటిస్తున్న చిత్రం ‘ధమాకా’. త్రినాథ రావు నక్కిన దర్శకుడు. టీజీ విశ్వప్రసాద్‌ నిర్మాత. ఈ సినిమా కొత్త స్టిల్‌లో శ్రీలీల చక్కటి అందంతో ఆకట్టుకుంటున్నది. ఈ సినిమాలో ఆమె ప్రణవి పాత్రలో కనిపించనుంది. ఇక ఈ ఏడాది ఈ వయ్యారి డైరీ ఫుల్‌ అయిపోయింది. నవీన్‌ పొలిశెట్టితో ‘అనగనగా ఒక రాజు’, నితిన్‌-వక్కంతం వంశీ కాంబినేషన్‌లో శ్రేష్ట్‌ మూవీస్‌ రూపొందిస్తున్న చిత్రంతో పాటు వారాహి సంస్థ కన్నడ, తెలుగు భాషల్లో తెరకెక్కిస్తున్న సినిమాలో కూడా ఈ భామే నాయికగా నటిస్తున్నది.