NTR30 Shooting Begins | ఎప్పుడెప్పుడా అని నందమూరి అభిమానులు ఎదురు చూస్తున్న ‘ఎన్టీఆర్30’ షూటింగ్ శుక్రవారం ప్రారంభంఅయింది. ట్రిపుల్ తర్వాత ఏడాదికి తారక్ సెట్స్ మీదకు అడుగుపెట్టాడు. ‘ఆర్ఆర్ఆర్’ వంటి ఇండస్ట్రీ హిట్ తర్వాత తారక్ చేస్తున్న సినిమా కావడంతో నందమూరి ఫ్యాన్సే కాదు సగటు సినీ ప్రేక్షకుడు సైతం ఎంతో ఆసక్తితో ఎదురు చూస్తున్నాడు. పైగా ‘జనతా గ్యారేజ్’ వంటి బ్లాక్బస్టర్ కాంబో రిపీటవడంతో ప్రతీ ఒక్కరిలో ఎక్కడలేని అంచనాలు నెలకొన్నాయి. ఆచార్యతో కోలుకోలేని దెబ్బతిన్న కొరటాల శివ ఈ సినిమాతో ఎలాగైనా గ్రాండ్ కంబ్యాక్ ఇవ్వాలని కసితో ఉన్నాడు.
ఇక ఇప్పటికే ఈ సినిమా కోసం పలువురు హాలీవుడ్ టెక్నీషియన్లను కొరటాల రంగంలోకి దింపాడు. కాగా తొలిరోజునే యాక్షన్ సీన్స్తో షూటింగ్ మొదలుపెట్టనున్నాడట. హాలీవుడ్ యాక్షన్ కొరియోగ్రాఫర్ కేన్నీ బేట్స్ సూపర్ విజన్లో ఫైట్ సీన్స్ తెరకెక్కిస్తున్నారు. సముద్రం నేపథ్యంలో తెరకెక్కుతున్న ఈ సినిమాకు అనిరుధ్ రవిచంద్రన్ స్వరాలు సమకూర్చుతున్నాడు. ఎన్టీఆర్కు జోడీగా జాన్వీకపూర్ నటిస్తుంది. తెలుగులో జాన్వీకి ఇదే తొలి సినిమా కావడం విశేషం. యువ సుధ ఆర్ట్స్, ఎన్టీఆర్ ఆర్ట్స్ బ్యానర్లపై రూపొందుతున్న ఈ సినిమాకు దేవర అనే టైటిల్ను పరిశీలనలో ఉంచినట్లు టాక్.
HERO back to movie sets after 582 DAYS….
#NTR30 ACTION BEGINS Today 💥💥💥All the Best Anna…. @tarak9999 ❤#NTRKoratalaSiva2 pic.twitter.com/NeY7cugjSs
— 𝐍𝐓𝐑 𝐓𝐡𝐞 𝐒𝐭𝐚𝐥𝐰𝐚𝐫𝐭 (@NTRTheStalwart) March 31, 2023