భాగ్యనగరిలో డ్రాగన్‌ పోరాటాలు?

అగ్ర హీరో ఎన్టీఆర్‌ ప్రస్తుతం ప్రశాంత్‌నీల్‌ సినిమాతో బిజీగా ఉన్నారు. తారక్‌ కెరీర్‌లోని అత్యుత్తమ సినిమాల్లో ఒకటిగా ఈ సినిమాను నిలుపుతానని ఆ మధ్య దర్శకుడు ప్రశాంత్‌నీల్‌ ఓ భారీ స్టేట్‌మెంట్‌ కూడా ఇచ్చేశారు. దానికి నిలబెట్టుకునేందుకు ఆయన సర్వశక్తులు ఒడ్డుతున్నారని ఇన్‌సైడ్‌ టాక్‌. తాజా సమాచారం ప్రకారం ఇందులో ఎన్టీఆర్‌ రెండు గెటప్పుల్లో కనిపిస్తారట.

అగ్ర హీరో ఎన్టీఆర్‌ ప్రస్తుతం ప్రశాంత్‌నీల్‌ సినిమాతో బిజీగా ఉన్నారు. తారక్‌ కెరీర్‌లోని అత్యుత్తమ సినిమాల్లో ఒకటిగా ఈ సినిమాను నిలుపుతానని ఆ మధ్య దర్శకుడు ప్రశాంత్‌నీల్‌ ఓ భారీ స్టేట్‌మెంట్‌ కూడా ఇచ్చేశారు. దానికి నిలబెట్టుకునేందుకు ఆయన సర్వశక్తులు ఒడ్డుతున్నారని ఇన్‌సైడ్‌ టాక్‌. తాజా సమాచారం ప్రకారం ఇందులో ఎన్టీఆర్‌ రెండు గెటప్పుల్లో కనిపిస్తారట.

వాటిలో ఓల్డ్‌ గెటప్‌ కీలకమని తెలుస్తున్నది. ప్రస్తుతం ఈ గెటప్‌కు సంబంధించిన యాక్షన్‌ సన్నివేశాలను ప్రశాంత్‌నీల్‌ తెరకెక్కిస్తున్నట్టు సమాచారం. దీనికోసం హైదరాబాద్‌లో భారీ సెట్‌ని కూడా నిర్మించారట. ప్రముఖ స్టంట్‌ కొరియోగ్రాఫర్‌ పీటర్‌ హెయిన్స్‌ నేతృత్వంలో ఈ ఫైట్స్‌ చిత్రీకరిస్తారని తెలిసింది. ఈ యాక్షన్‌ ఎపిసోడ్‌ సినిమా మొత్తంలోనే హైలైట్‌గా ఉంటుందని వినికిడి.

ఇప్పటివరకూ ప్రశాంత్‌నీల్‌ తీసిన సినిమాలన్నింటిలో బెస్ట్‌ మూవీ ఇదే అవుతుందని చిత్రబృందం చెబుతున్నది. మైత్రీమూవీమేకర్స్‌, ఎన్టీఆర్‌ ఆర్ట్స్‌ సంయుక్తంగా నిర్మిస్తున్న ఈ చిత్రానికి రవి బస్రూర్‌ స్వరాలందిస్తున్న విషయం తెలిసిందే. ‘డ్రాగన్‌’ అనే వర్కింగ్‌ టైటిల్‌తో రూపొందుతున్న ఈ భారీ పానిండియా సినిమాకు రుక్మిణి వసంత్‌ కథానాయిక కాగా, ప్రముఖ బాలీవుడ్‌ నటుడు అనిల్‌కపూర్‌ కీలక పాత్ర పోషిస్తున్నారు.