KH233 | KH233 షురూ.. వీడియో షేర్ చేసిన కమల్‌ హాసన్‌

KH233 | హెచ్‌ వినోథ్‌ (H Vinoth) లోకనాయకుడు కమల్ హాసన్ (kamalhaasan)‌తో సినిమా చేయబోతున్నాడని తెలిసిందే. తాజాగా ఈ సినిమాకు సంబంధించిన అప్‌డేట్‌ను వీడియో రూపంలో షేర్ చేశాడు ఉలగనాయగన్‌. KH233 షురూ అంటూ లాంఛ్ చేసిన వీడియో ఇప్పుడు నెట్టింట ట్రెండింగ్ అవుతోంది.

KH233 | వలిమై, తునివు సినిమాలతో డైరెక్టర్‌గా మంచి బ్రేక్ అందుకున్నాడు తమిళ దర్శకుడు హెచ్‌ వినోథ్‌ (H Vinoth). ఈ క్రేజీ డైరెక్టర్ లోకనాయకుడు కమల్ హాసన్ (kamalhaasan)‌తో సినిమా చేయబోతున్నాడని తెలిసిందే. ఈ చిత్రం కమల్‌ హాసన్‌ KH233 ప్రాజెక్ట్‌గా రానుంది. తాజాగా ఈ సినిమాకు సంబంధించిన అప్‌డేట్‌ను వీడియో రూపంలో షేర్ చేశాడు ఉలగనాయగన్‌. KH233 షురూ అంటూ లాంఛ్ చేసిన వీడియో ఇప్పుడు నెట్టింట ట్రెండింగ్ అవుతోంది.

రైజ్‌ టు రూల్‌ ట్యాగ్‌లైన్‌తో వస్తున్న ఈ చిత్రాన్ని కమల్ హాసన్ సమర్పణలో హోంబ్యానర్ రాజ్‌కమల్ ఫిలిం ఇంటర్నేషనల్‌పై కమల్‌ హాసన్‌-ఆర్ మహేంద్రన్‌ సంయుక్తంగా తెరకెక్కిస్తున్నారు. హెచ్‌ వినోథ్‌ సామాజిక కథాంశంతో అందరినీ ఆలోచింపజేసేలా సినిమా ఉండనుందని తాజా వీడియోతో అర్థమవుతోంది. ఈ చిత్రంలో పాపులర్ యాక్టర్లు భాగం కాబోతుండగా.. రానున్న రోజుల్లో క్లారిటీ రానుంది.

మీ(కమల్ హాసన్) తో పనిచేసే గొప్ప అవకాశం ఇచ్చినందుకు ధన్యవాదాలు సార్.. అంటూ సినిమా ప్రకటిస్తున్న సందర్భంగా ట్వీట్ చేశాడు హెచ్‌ వినోథ్‌. కమల్ హాసన్ మరోవైపు లెజెండరీ దర్శకుడు మణిరత్నం డైరెక్షన్‌లో KH234 ప్రాజెక్ట్‌కు కూడా సైన్ చేసిన విషయం తెలిసిందే. ఈ చిత్రంలో త్రిష ఫీ మేల్ లీడ్‌ రోల్‌లో దాదాపు ఫైనల్ అయినట్టు తెలుస్తోండగా.. అధికారిక ప్రకటన రావాల్సి ఉంది.

 

And it begins…#RKFI52 #KH233
#RISEtoRULE #HVinoth #Mahendran @RKFI @turmericmediaTM @magizhmandram pic.twitter.com/7cej87cghE

— Kamal Haasan (@ikamalhaasan) July 4, 2023