Visit:
ప్రముఖ యూట్యూబర్‌ నిఖిల్‌ విజయేంద్ర హీరోగా నటిస్తున్న చిత్రం ‘సంగీత్‌’. సాద్‌ఖాన్‌ దర్శకత్వం వహిస్తున్న ఈ చిత్రాన్ని నవీన్‌ మనోహరన్‌, చంద్రు మనోహరన్‌ నిర్మిస్తున్నారు. గురువారం హీరో నిఖిల్‌ విజయేంద్ర పుట్టినరోజు సందర్భంగా ఈ సినిమా తాలూకు గ్లింప్స్‌ను విడుదల చేశారు.
సంగీత ప్రధానంగా సాగే ప్రేమకథా చిత్రమిదని, ఫీల్‌గుడ్‌ ఎంటర్‌టైనర్‌గా మెప్పిస్తుందని మేకర్స్‌ తెలిపారు. ప్రస్తుతం చిత్రీకరణ తుదిదశకు చేరుకుందని, ప్రేక్షకుల్ని సంగీత ప్రపంచంలోకి తీసుకెళ్లే చిత్రమిదని, త్వరలో విడుదల తేదీని ప్రకటిస్తామని నిర్మాతలు పేర్కొన్నారు. ఈ చిత్రానికి కల్యాణ్‌ నాయక్‌ సంగీతాన్నందిస్తున్నారు.
