స్వయంభు ఓ సాంకేతిక అద్భుతం

‘కార్తికేయ 2’తో పానిండియా స్థాయి విజయాన్ని అందుకున్న నిఖిల్‌ కథానాయకుడిగా రూపొందుతున్న హిస్టారికల్‌ ఎపిక్‌ ‘స్వయంభు’. ఇది నిఖిల్‌ నటిస్తున్న 20వ సినిమా కావడం విశేషం. సంయుక్త మీనన్‌, నభా నటేష్‌ కథానాయికలు. భరత్‌కృష్ణమాచారి దర్శకుడు. భువన్‌, శ్రీకర్‌ నిర్మాతలు.

‘కార్తికేయ 2’తో పానిండియా స్థాయి విజయాన్ని అందుకున్న నిఖిల్‌ కథానాయకుడిగా రూపొందుతున్న హిస్టారికల్‌ ఎపిక్‌ ‘స్వయంభు’. ఇది నిఖిల్‌ నటిస్తున్న 20వ సినిమా కావడం విశేషం. సంయుక్త మీనన్‌, నభా నటేష్‌ కథానాయికలు. భరత్‌కృష్ణమాచారి దర్శకుడు. భువన్‌, శ్రీకర్‌ నిర్మాతలు. ఏప్రిల్‌ 10న ప్రపంచవ్యాప్తంగా ఈ సినిమా విడుదల కానున్నది.

ప్రమోషన్‌లో భాగంగా ఈ సినిమా టీజర్‌ని ఈ నెల 11న విడుదల చేయనున్నారు. ఈ విషయాన్ని మేకర్స్‌ ఆదివారం ఓ ప్రకటన ద్వారా తెలియజేశారు. ఈ సందర్భంగా విడుదల చేసిన టీజర్‌ అనౌన్స్‌మెంట్‌ పోస్టర్‌లో నిఖిల్‌ యాక్షన్‌ లుక్‌లో కనిపించారు.

‘ఈ సినిమా ప్రచార చిత్రాలకు అద్భుతమైన స్పందన వస్తున్నది. నిఖిల్‌ కెరీర్‌లోనే అత్యధిక బడ్జెట్‌తో రూపొందుతున్న సినిమా ఇది. ఈ పాత్ర కోసం పలు యుద్ధవిద్యాల్లో నిఖిల్‌ శిక్షణ తీసుకున్నారు. శారీరకంగా, మానసికంగా దృఢంగా తయారయ్యారు. సాంకేతికంగా ఈ సినిమా ఓ అద్భుతాన్ని ఆవిష్కరిస్తుంది’ అని మేకర్స్‌ తెలిపారు. ఈ చిత్రానికి మాటలు: విజయ్‌ కామిశెట్టి, కెమెరా: కె.కె.సెంథిల్‌కుమార్‌, సంగీతం: రవి బస్రూర్‌, సమర్పణ: ఠాగూర్‌ మధు, నిర్మాణం: పిక్సెల్‌ స్టూడియోస్‌.