Nuvvu Naaku Nachav | న్యూ ఇయ‌ర్ కానుక‌గా.. తెలుగు క‌ల్ట్ క్లాసిక్ ‘నువ్వు నాకు నచ్చావ్’ రీ-రిలీజ్

Nuvvu Naaku Nachav RE Release | తెలుగు సినిమా చరిత్రలో ఆల్‌టైమ్ క్లాసిక్‌గా నిలిచిన వెంకటేష్, ఆర్తి అగర్వాల్‌ల చిత్రం 'నువ్వు నాకు నచ్చావ్' ఇప్పుడు 4K క్వాలిటీతో తిరిగి థియేటర్లలోకి రాబోతోంది.

Nuvvu Naaku Nachav RE Release | తెలుగు సినిమా చరిత్రలో ఆల్‌టైమ్ క్లాసిక్‌గా నిలిచిన వెంకటేష్, ఆర్తి అగర్వాల్‌ల చిత్రం ‘నువ్వు నాకు నచ్చావ్’ ఇప్పుడు 4K క్వాలిటీతో తిరిగి థియేటర్లలోకి రాబోతోంది. వెంకటేష్ మరియు త్రివిక్రమ్ అభిమానులందరికీ ఇది కొత్త సంవత్సరం పండుగ కానుంది. ఈ సంద‌ర్భంగా ‘నువ్వు నాకు నచ్చావ్’ 4K రీ-రిలీజ్ తేదీని చిత్ర నిర్మాణ సంస్థ ఖరారు చేసింది. న్యూ ఇయ‌ర్ కానుక‌గా ఈ సినిమాను జ‌న‌వ‌రి 01న ప్రేక్ష‌కుల ముందుకు తీసుకురాబోతున్న‌ట్లు చిత్ర‌బృందం ప్ర‌క‌టించింది. ఈ రీ-రిలీజ్ కేవలం తెలుగు రాష్ట్రాలకే పరిమితం కాకుండా ఆస్ట్రేలియా, యూరప్, యూకే వంటి దేశాల్లో కూడా రీ రిలీజ్ కాబోతుంది.

మాటల మాంత్రికుడు త్రివిక్రమ్ శ్రీనివాస్ రచించిన అమరమైన డైలాగులు, హాస్యం ఈ సినిమా స్థాయిని పెంచాయి. ఈ సినిమాతోనే ఆయనకు లక్షల సంఖ్యలో అభిమానులు ఏర్పడ్డారు. విక్టరీ వెంకటేష్ గారి సహజమైన నటన, హాస్యం, కుటుంబ అనుబంధాలను పలికించిన తీరు ఈ సినిమాను ప్రతి తెలుగు కుటుంబానికి దగ్గర చేసింది. కే. విజయ భాస్కర్ గారు అందించిన శాంతమైన దర్శకత్వం, త్రివిక్రమ్ అద్భుతమైన కథాబలం కలగలిసి ఈ సినిమాను ఎవర్ గ్రీన్ హిట్‌గా నిలిపాయి. స్ర‌వంతి రవికిషోర్ గారి స్ర‌వంతి మూవీస్ బ్యానర్‌పై వచ్చిన ఈ సినిమాను, ఇప్పుడు అదే సంస్థ 4K లో ప్రేక్షకులకు అందించనుంది. కోటి గారి సంగీతం ఈ సినిమాకు అదనపు బలం.

వెంకటేష్ అభిమానులు, త్రివిక్రమ్ అభిమానులు, తెలుగు సినిమా ప్రేమికులు – అందరూ ఈ జ్ఞాపకాలను, ఫేవరెట్ డైలాగులను సోషల్ మీడియాలో #NNNReRelease #VenkyIsBack వంటి హ్యాష్‌ట్యాగ్‌లతో పంచుకోవాలని చిత్ర యూనిట్ కోరింది. ఇది కేవలం సినిమా కాదు, ఒక భావన! అని ఈ సంద‌ర్భంగా తెలిపింది.