Nenu Student Sir Movie | ఆసక్తికరంగా బెల్లంకొండ గణేష్ ‘నేను స్టూడెంట్ సార్‌’ టీజర్.!

Nenu Student Sir Teaser | టాలీవుడ్ అగ్ర నిర్మాత బెల్లంకొండ సురేష్‌బాబు చిన్న కొడుకు గణేష్ ‘స్వాతిముత్యం’ సినిమాతో ఇండస్ట్రీలోకి ఎంట్రీ ఇచ్చిన విషయం తెలిసిందే. దసరా కానుకగా అక్టోబర్‌ 5న రిలీజైన ఈ చిత్రం మొదటి షో నుండి పాజిటీవ్‌ టాక్‌ తెచ్చుకుంది. కానీ బాక్సాఫీస్ దగ్గర ఫేయిల్యూర్‌గా మిగిలింది.

Nenu Student Sir Teaser | టాలీవుడ్ అగ్ర నిర్మాత బెల్లంకొండ సురేష్‌బాబు చిన్న కొడుకు గణేష్ ‘స్వాతిముత్యం’ సినిమాతో ఇండస్ట్రీలోకి ఎంట్రీ ఇచ్చిన విషయం తెలిసిందే. దసరా కానుకగా అక్టోబర్‌ 5న రిలీజైన ఈ చిత్రం మొదటి షో నుండి పాజిటీవ్‌ టాక్‌ తెచ్చుకుంది. కానీ బాక్సాఫీస్ దగ్గర ఫేయిల్యూర్‌గా మిగిలింది. పోటీగా ‘గాడ్‌ఫాదర్‌’, ‘ది ఘోస్ట్‌’ చిత్రాలు ఉండటంతో ఈ చిత్రం బ్రేక్ ఈవెన్ సాధించలేకపోయింది. అయితే ఈ చిత్రంలో గణేష్ నటనకు మంచి ప్రశంసలు దక్కాయి. ప్రస్తుతం ఈయన నేను స్టూడెంట్ సార్‌ అనే చిత్రాన్ని చేస్తున్నాడు. రాఖి ఉప్పలపాటి దర్శకత్వం వహిస్తున్న ఈ చిత్రం షూటింగ్‌ పూర్తి చేసుకుని పోస్ట్‌ ప్రొడక్షన్‌ పనులలో బిజీగా ఉంది. ఇప్పటికే చిత్రం నుండి రిలీజైన పోస్టర్లు సినిమాపై భారీ అంచనాలు నెలకొల్పాయి. తాజాగా ఈ మూవీ టీజర్ రిలీజైంది.

హీరో కష్టపడి ఐఫోన్‌ కొనుక్కుంటాడు. అయితే ఈ ఫోన్‌ను పోలీసులు కొట్టేస్తారు. దాంతో హీరో కమిషనర్‌కు కంప్లైంట్‌ ఇవ్వడానికి కమిషనర్‌ ఆఫీస్‌కు వెళ్తాడు. అయితే అప్పుడు హీరోను ఎవరో కావాలని ట్రప్‌ చేసినట్లు హీరోకు తెలుస్తుంది ఆ తర్వాత ఏం జరిగింది అనే కాన్సెప్ట్‌తో సినిమా తెరకెక్కినట్లు టీజర్ చూస్తే తెలుస్తుంది. అసలు హీరోను ఎవరు ట్రాప్‌లో పడేశారు. ఆ ఫోన్‌లో ఏముంది అనేది సినిమా రిలీజయ్యాక తెలుస్తుంది. టీజర్‌తోనే మేకర్స్‌ సినిమాపై తీవ్ర ఆసక్తిని పెంచారు. సస్పెన్స్‌ థ్రిల్లర్ కాన్సెప్ట్‌తో తెరకెక్కిన ఈ చిత్రాన్ని నాంది ఫేమ్ సతీష్‌ వర్మ నిర్మించాడు. గణేష్‌కు జోడీగా అవంతిక హీరోయిన్‌గా నటిస్తుంది. సముద్రఖని కీలకపాత్రలో నటించిన ఈ చిత్రానికి మహతి స్వర సాగర్‌ బాణీలు సమకూరుస్తున్నాడు.