Visit:
నవీన్చంద్ర, దివ్యపిైళ్లె ప్రధాన పాత్రల్లో కరుణ కుమార్ దర్శకత్వంలో రూపొందిన సైకలాజికల్ హారర్ మూవీ ‘హనీ’. రవి పీట్ల, ప్రవీణ్ కుమార్ రెడ్డి నిర్మాతలు. ఈ నెల 6న ప్రేక్షకుల ముందుకురానుంది. ఇటీవలే ట్రైలర్ను లాంచ్ చేశారు. ఈ సినిమాలో డార్క్ సొసైటీని చూపించామని, మానసికంగా బలహీనంగా ఉన్నవారు ఎలా బాధితులుగా మారుతారనే అంశం ఆసక్తికరంగా ఉంటుందని, ప్రజల్లో ఆలోచనల్ని రేకెత్తించే కథాంశమిదని నవీన్చంద్ర తెలిపారు.
మనిషి మెదడు కంటే పెద్ద దెయ్యం లేదన్నదే ఈ సినిమా సారాంశమని, నిజ జీవిత ఘటనల స్ఫూర్తితో తీశామని, ఇప్పటివరకు ఇలాంటి కాన్సెప్ట్ ఇండియన్ సినిమాలో రాలేదని దర్శకుడు కరుణకుమార్ పేర్కొన్నారు. రాజా రవీందర్, జయన్ని, జయత్రి తదితరులు నటిస్తున్న ఈ చిత్రానికి కెమెరా: నగేష్ బన్నెల్, సంగీతం: అజయ్ అరసాడ, నిర్మాణ సంస్థ: ఒవా ఎంటర్టైన్మెంట్స్, రచన-దర్శకత్వం: కరుణ కుమార్.
