స్త్రీ గొప్పతనాన్ని ఆవిష్కరించే ‘నారి’

ఆడపిల్లలు అన్ని రంగాల్లో ఎదిగేందుకు సహకరించాలి అనే కాన్సెప్ట్‌తో రూపొందిన చిత్రం ‘నారి’. సీనియర్‌ నటి ఆమని లీడ్‌రోల్‌ చేసిన ఈ చిత్రంలో వికాస్‌ వశిష్ఠ, మౌనికరెడ్డి, ప్రగతి, కేదార్‌ శంకర్‌, ప్రమోదినీ కీలక పాత్రధారులు. సూర్య వంటిపల్లి దర్శకుడు.

ఆడపిల్లలు అన్ని రంగాల్లో ఎదిగేందుకు సహకరించాలి అనే కాన్సెప్ట్‌తో రూపొందిన చిత్రం ‘నారి’. సీనియర్‌ నటి ఆమని లీడ్‌రోల్‌ చేసిన ఈ చిత్రంలో వికాస్‌ వశిష్ఠ, మౌనికరెడ్డి, ప్రగతి, కేదార్‌ శంకర్‌, ప్రమోదినీ కీలక పాత్రధారులు. సూర్య వంటిపల్లి దర్శకుడు. శశి వంటిపల్లి నిర్మాత. నిర్మాణం పూర్తి చేసుకున్న ఈ చిత్రం డిసెంబర్‌ 25న విడుదల కానుంది.

ఈ సందర్భంగా ఈ సినిమా పోస్టర్‌, గ్లింప్స్‌ని విడుదల చేసిన రాష్ట్రమంత్రి సీతక్క.. చిత్రబృందానికి శుభాకాంక్షలు అందించారు. ‘మహిళల పట్ల సమాజం ఎలా వ్యవహరించాలి?.. వారికి ఎలా సహకరించాలి?.. అనే ప్రశ్నలకు సమాధానమే ఈ సినిమా. ప్రతి మహిళా తమ ఇంట్లోని పురుషుడ్ని వెంట తీసుకెళ్లి ఈ సినిమా చూపించాలి’ అని దర్శకుడు కోరారు. ఈ చిత్రానికి కెమెరా: వి.రవికుమార్‌, భీమ్‌ సాంబ, సంగీతం: వినోద్‌కుమార్‌.