‘మా’ (మూవీ ఆర్టిస్ట్ అసోసియేషన్) ఎన్నికలు (Maa Elections) దగ్గరపడుతున్న కొద్దీ ఉత్కంఠ రేకెత్తిస్తున్నాయి. మా రాజకీయ వేదిక కాదు..పదవీ వ్యామోహం సరైంది కాదని మా మాజీ అధ్యక్షుడు నరేశ్ (Naresh) తనదైన శైలిలో చురకలంటించారు. ఇవాళ నరేశ్ మీడియాతో మాట్లాడుతూ..కరోనా సమయంలో పరిశ్రమలో రెండు వర్గాలు తయారయ్యాయి. కరోనా వేళ ఒక గ్రూపు నిందించే ప్రయత్నం చేసింది. కరోనా సమయంలో భవనం కంటే ప్రాణాలకు ప్రాధాన్యత ఇచ్చాం. వీలైనన్ని సంక్షేమ కార్యక్రమాలు చేపట్టాం. కొన్ని పనులు చేశాం..ఇంకా కొన్ని చేయాల్సి ఉంది. చిరంజీవి మా సేవలను అభినందిస్తూ లేఖ రాశారని పేర్కొన్నారు. అన్నింటికి మా ఎన్నికలే సరైన సమాధానం. మంచి వారసుడిని ఇచ్చి వెళ్లడం నా బాధ్యత అని నరేశ్ అన్నారు. ఈ సారి మా అధ్యక్ష ఎన్నికల బరిలో నిలుస్తున్న మంచు విష్ణు ప్యానెల్ కు మద్దతు తెలుపుతున్నట్టు మరోసారి ప్రకటించారు. ఈ సందర్భంగా విష్ణు (Manchu Vishnu) ప్యానెల్ సభ్యులను పరిచయం చేశారు నరేశ్.
ఇక్కడ సరైనోళ్లు లేరని చెప్పడం చాలా సీరియస్ అంశం..
సినీ నటులకు ఒక స్థానమంటూ లేదు. కానీ సరైన వాళ్లు లేరు కాబట్టి తాను ఇక్కడికి వచ్చానని ప్రకాశ్ రాజ్(Prakash Raj) చెప్పడంలో అర్థమేంటని నరేశ్ ప్రశ్నించారు. అంటే తెలుగు వాళ్లలో ఎవరూ లేరా..? కోటి రతనాల వీణ తెలంగాణ..అందరి బంధువు ఆంధ్ర..రత్నాల సీమ రాయలసీమ..మూడు ప్రాంతాల నుంచి తెలుగు వాళ్లు ఎవరూ లేరా అన్నారు. స్వర్గీయులు ఎన్టీఆర్ రామారావు రక్తం మనలో లేదా..? కాపు సింహం రఘుపతి వెంకయ్యనాయుడు తెలుగు సినిమా పితామహుడు..ఆయన రక్తంలో మనలో లేదా. ..? టంగుటూరి ప్రకాశం పంతులు, అల్లూరి సీతారామరాజు ఆయన రక్తం మనలో లేదా..నాకు ఆసక్తి ఉందని చెప్పండి కానీ ఇక్కడ సరైనోళ్లు లేరని చెప్పడం చాలా సీరియస్ అంశమని నరేశ్ అన్నారు.
మద్రాస్లో నాలుగు సినీపరిశ్రమలు తెలుగు, మలయాళం, తమిళం, కన్నడ ఉన్నపుడు తాను చెడ్డీ వేసుకుని తిరుగుతుంటే మనకంటూ తెలుగు వాళ్లకు ఒక అసోసియేషన్ ఉండాలని తెలుగు సినీ ఆర్టిస్ట్స్ అసోసియేషన్ మద్రాసులోని మా ఇంట్లో ఏర్పడిందని గర్వంగా చెప్తున్నానని నరేశ్ చెప్పుకొచ్చారు.
అక్టోబర్ 10న మా ఎన్నికల పోలింగ్ నిర్వహించనున్నారు. అక్టోబర్ 10న ఉదయం 8 గంటల నుంచి మధ్యాహ్నం 2 వరకు పోలింగ్ కొనసాగనుంది. అదే రోజు సాయంత్రం 4 గంటల నుంచి ఓట్ల లెక్కింపు జరపనున్నారు. రాత్రి 7 గంటలకు ఫలితాలను వెల్లడించనున్నారు.
Chiranjeevi | క్రేజీ వార్త..చిరంజీవి సినిమాలో రవితేజ..?
Genelia: జెనీలియాని వల్గర్ ఆంటీ అంటూ ట్రోల్స్.. ఆమె సమాధానం ఏంటి?